ولجاس بەكتەنوۆ ەكونوميكالىق ىنتىماقتاستىق ۇيىمىنىڭ XVII سامميتىنە قاتىستى
قازاقستان رەسپۋبليكاسىنىڭ پرەمەر-ءمينيسترى ولجاس بەكتەنوۆ حانكەندى قالاسىندا (ازەربايجان) وتكەن ەكونوميكالىق ىنتىماقتاستىق ۇيىمىنىڭ XVII سامميتىنە قاتىستى.
سامميتكە ازەربايجان، تۇركيا، يران، وزبەكستان، قىرعىزستان، تاجىكستان پرەزيدەنتتەرى، پاكىستان پرەمەر-ءمينيسترى، اۋعانستان پرەمەر-ءمينيسترىنىڭ ورىنباسارى، مينيسترلەر كابينەتى ءتوراعاسىنىڭ ورىنباسارى - تۇرىكمەنستان سىرتقى ىستەر ءمينيسترى قاتىستى. سونداي-اق ءبىرقاتار حالىقارالىق ۇيىمداردىڭ وكىلدەرى قاتىستى، ولاردىڭ اراسىندا (تۇركى مەملەكەتتەرىنىڭ ۇيىمى)، CICA (ازياداعى ءوزارا ءىس-قيمىل جانە سەنىم شارالارى جونىندەگى كەڭەس)، TRACECA (ەۋروپا - كاۆكاز - ازيا كولىك ءدالىزى)، ب ۇ ۇ، UNESCAP (ب ۇ ۇ- نىڭ ازيا جانە تىنىق مۇحيتى ەلدەرىنە ارنالعان ەكونوميكالىق جانە الەۋمەتتىك كوميسسياسى) جانە تاعى باسقالارى بار.
وتىرىس بارىسىندا ە ى ۇ- عا قاتىسۋشى مەملەكەتتەر اراسىنداعى ەكونوميكالىق ىنتىماقتاستىق ماسەلەلەرى قارالدى. كولىك جانە لوگيستيكا، ەنەرگەتيكا، كليماتتىق قاۋىپسىزدىك، سيفرلىق ترانسفورماتسيا جانە تاعى باسقا سالالارداعى ءوزارا ءىس-قيمىلعا نازار اۋدارىلدى.
سامميت جۇمىسى اياسىندا قازاقستان پرەمەر-ءمينيسترى ولجاس بەكتەنوۆتىڭ اۋعانستان پرەمەر-ءمينيسترىنىڭ ورىنباسارى ابدۋل گاني بارادارمەن ەكىجاقتى كەزدەسۋى ءوتتى. وندا ساۋدا-ەكونوميكالىق، كولىكتىك-لوگيستيكالىق، اگرارلىق سالالارداعى ىنتىماقتاستىقتى دامىتۋ ماسەلەلەرى تالقىلاندى.
ولجاس بەكتەنوۆ قازاقستان پرەزيدەنتى قاسىم-جومارت توقايەۆتىڭ باستاماسىمەن ەلىمىز «تۋرگۋندي-گەرات» تەمىرجولىنىڭ قۇرىلىسىنا ينۆەستيتسيا سالۋعا دايىن ەكەنىن اتاپ ءوتتى. «اۋعانستان - ورتالىق جانە وڭتۇستىك ازيا اراسىنداعى كوپىر. ترانساۋعان تەمىر جولىنىڭ قۇرىلىسى بۇكىل ءوڭىردىڭ دامۋىنا ىقپال ەتەتىن بولادى.
- ۇكىمەت وسى جوبانى ىسكە اسىرۋ نيەتىن راستايدى، جاقىندا تاراپتار اراسىندا ءتيىستى مەموراندۋمعا قول قويىلادى، - دەپ اتاپ ءوتتى پرەمەر-مينيستر.
ايتا كەتەلىك ۇكىمەتتە ەنەرگەتيكالىق، اقپاراتتىق-كوممۋنيكاتسيالىق جوبالاردىڭ جۇزەگە اسىرىلۋ بارىسى قارالدى.
