ەلورداعا بەيجىڭنەن Vero Cell Sinopharm ۆاكسيناسى جەتكىزىلدى
بۇل جايىندا نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ءمالىم ەتتى، دەپ حابارلايدى قازاقپارات ءتىلشىسى.
«قۇرمەتتى ەلوردا تۇرعىندار! ەلورداعا قىتايدىڭ Vero Cell Sinopharm ۆاكسيناسى جەتكىزىلدى. ەندى قالا تۇرعىندارى ءۇش ۆاكسينانىڭ ءبىرىن تاڭداي الادى. ولار: رەسەيلىك «سپۋتنيك»، قازاقستاندىق QazVac جانە Sinopharm. ۆاكسيناتسيا كوروناۆيرۋسقا قارسى قورعانىستىڭ جالعىز ءارى ءتيىمدى ءادىسى. سولاي عانا ءبىز قالىپتى ومىرىمىزگە ورالا الامىز»، - دەپ جازدى تيمۋر مۇراتوۆ Facebook پاراقشاسىندا.
ايتا كەتەيىك، 10-تامىز كۇنى Air Astana اۋە كومپانياسى بەيجىڭنەن تىكەلەي Sinopharm كومپانياسىنىڭ Vero Cell Sinopharm ۆاكسيناسىن جەتكىزدى. ءبىر ميلليون دوزانى جەتكىزۋ «س ق-فارماتسيا» تاپسىرىسى بويىنشا ەكى رەيسپەن ىسكە اسىرىلدى. جالپى سالماعى 20 توننا بولاتىن مەديتسينالىق جۇك تەرمو-كونتەينەرلەردە تاسىمالدانىپ، 2 دەن 8 گرادۋسقا دەيىنگى تەمپەراتۋرالىق رەجيم ساقتالدى.
