ق ر پرەزيدەنتى «سپۋتنيك V» ۆاكتسيناسىنىڭ ەكىنشى كومپونەنتىن الدى
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ بۇگىن «سپۋتنيك V» ۆاكسيناسىنىڭ ەكىنشى كومپونەنتىن الدى، دەپ حابارلايدى قازاقپارات.
بۇل تۋرالى ءوزىنىڭ Facebook پاراقشاسىندا ق ر پرەزيدەنتىنىڭ باسپا ءسوز حاتشىسى بەرىك ءۋالي جازدى.
«ەكپە سالدىرعاننان كەيىن پرەزيدەنتتىڭ دەنساۋلىعىندا ەشقانداي كىنارات بايقالعان جوق. ءوزىنىڭ جۇمىس كەستەسىنە سايكەس قىزمەتىن قىزۋ اتقارىپ جاتىر. قاسىم-جومارت كەمەل ۇلى ەلىمىزدەگى ۆاكسيناتسيا قارقىنىن تومەندەتپەۋ كەرەك دەپ سانايدى. مەملەكەت باسشىسى ەكپە سالدىرۋ بارلىق شەكتەۋلەردەن ارىلتىپ، قايتا قالىپتى ومىرگە باستايتىن، COVID-19 پاندەمياسىن جەڭەتىن جالعىز جول ەكەنىنە كامىل سەنەدى»، - دەپ جازدى باسپا ءسوز حاتشىسى.
