USAID- ءتىڭ جابىلۋى قازاقستانداعى جوبالارعا قالاي اسەر ەتىپ جاتىر

استانا. KAZINFORM - ساۋدا جانە ينتەگراتسيا ۆيتسە-ءمينيسترى قايرات تورەبايەۆ ءماجىلىس كۋلۋارىندا ا ق ش حالىقارالىق دامۋ اگەنتتىگىنىڭ جۇمىسىن توقتاتۋى قازاقستاندا باستالىپ كەتكەن جوبالارعا قالاي اسەر ەتىپ جاتقانى تۋرالى پىكىر ءبىلدىردى.

Что такое USAID
Фото: wikipedia.org

ا ق ش اگەنتتىگىنىڭ قازاقستانعا قانداي قاتىسى بار

رەسمي مالىمەتكە سۇيەنسەك، 1992-جىلدان بەرى اگەنتتىك قازاقستانعا 500 ميلليون دوللارعا جۋىق قارجى باعىتتاعان.

ۇيىم مەملەكەتتىك جانە تاۋەلسىز ۇيىمداردى قولداۋ ارقىلى ەنەرگەتيكا نارىعىن، جەرگىلىكتى ساۋدانى، ىسكەرلىك ورتانى دامىتۋعا كۇش سالدى. بۇل اقشا ەل ەكونوميكاسىنىڭ ءتۇرلى سالالارىن، دەنساۋلىق ساقتاۋ جۇيەسىن، دەموكراتيالىق ينستيتۋتتاردى قولداۋعا جۇمسالعان. اسىرەسە انا مەن بالا ءولىمىن ازايتۋ، ا ي ت ۆ/ج ي ت س دەرتىمەن كۇرەس، قورشاعان ورتانى قورعاۋ باعىتىندا كوپتەگەن جوبانى قارجىلاندىردى. ونىڭ ىشىندە ارالداعى ەكولوگيالىق اپاتتىڭ سالدارىن جەڭىلدەتۋگە باعىتتالعان جوبالار دا بار.

ساۋدا مينيسترلىگىنىڭ مالىمەتى

- ازىرگە ساۋدا جانە ينتەگراتسيا مينيسترلىگىنىڭ قاتىسى بار جوبالار توقتاپ قالدى دەيتىندەي مالىمەت جوق. ءبىر باعدارلاما بولعان، ول بىلتىر اياقتالعان. بيىل USAID ءبىزدىڭ مينيسترلىك ارقىلى ەشقانداي جوبانى قولعا العان جوق، - دەدى قايرات تورەبايەۆ.

ال ءماجىلىس دەپۋتاتى ماگەررام ماگەرراموۆ ەلىمىزگە شەتەلدىك دەمەۋشىلەر بولەتىن قارجىعا اۋديت جۇرگىزىپ، بارلىق ەسەپ-قيسابىن حالىققا جاريالاۋ كەرەك دەپ وتىر.

سوڭعى جاڭالىقتار