تەگىن 10 سوتىق جەر الۋ: قانشا ادام كەزەكتە تۇر
استانا. KAZINFORM - قازىر جەكە تۇرعىن ءۇي سالۋ ءۇشىن تەگىن 10 سوتىق جەر الۋعا 3,9 ميلليون قازاقستاندىق كەزەكتە تۇر.

وڭىرلەر اراسىندا العاشقى ۇشتىككە الماتى وبلىسى، تۇركىستان وبلىسى جانە شىمكەنت قالاسى كىرەدى. تەگىن جەر الۋ تۋرالى مالىمەتتى تولىعىراق «ازاماتتارعا ارنالعان ۇكىمەت» مەملەكەتتىك كورپوراتسياسى ۇسىنىپ وتىر.
مەملەكەتتىك كورپوراتسيانىڭ مالىمەتىنە سايكەس، وتكەن جىلى تەگىن 10 سوتىق جەردى 8805 وتانداسىمىز العان، ال بيىل 24116 جەر ۋچاسكەسى بەرىلەدى. بىلتىر ەلوردا جانە شىمكەنت قالاسىندا جەر ۋچاسكەلەرى بەرىلمەگەن.
كەزەككە egov.kz ارقىلى «جىلجىمايتىن مۇلىك» ودان ءارى «جەر قاتىناستارى» بولىمىنە كىرىپ ونلاين سۇراۋ باتىرماسىن باسىپ ءوتىنىش بەرۋگە بولادى. ءوتىنىش بەرگەن كەزدە «كەزەككە قويۋ» دەگەندى، سودان كەيىن ءوڭىردى تاڭداپ، ە س ق كومەگىمەن قول قويۋ قاجەت.
ايتا كەتەيىك، ءاربىر كامەلەتكە تولعان قازاقستاندىق ءوزىنىڭ مەنشىگىندە باسقا جەر ۋچاسكەلەرى، پاتەرلەرى نەمەسە ۇيلەرى بار-جوعىنا قاراماستان 10 سوتىق تەگىن جەرگە ءوتىنىم بەرە الادى.
جەرگە كەزەكتىڭ قالاي جىلجىپ جاتقاندىعىن ەلەكتروندىق ۇكىمەت پورتالىندا «جەكە تۇرعىن ءۇي قۇرىلىسىنا (10 سوتىق) جەر ۋچاسكەسىن الۋ ءۇشىن قاراۋ نەمەسە كەزەككە قويۋ» قىزمەتىن تاڭداۋ ارقىلى بىلە الاسىز، ول ءۇشىن ە ت س ق (ەلەكتروندى سيفرلىق قولتاڭبا) قاجەت.
سونداي-اق كەزەكتى قاراۋ جىلجىمايتىن مۇلىكتىڭ ءبىرىڭعاي مەملەكەتتىك كاداسترىنىڭ كوپشىلىك كاداسترلىق كارتاسىندا قولجەتىمدى. ول ءۇشىن ە س ق نەمەسە تولىق اتى- ءجونىن كورسەتۋ قاجەت، ءبىراق ج س ن ارقىلى كەزەكتى تەكسەرۋ مۇمكىن ەمەس.