توتەنشە جاعدايلار ءمينيسترى - شىڭعىس ءارىنوۆ
استانا. KAZINORM -توتەنشە جاعدايلار ءمينيسترى قىزمەتىنە شىڭعىس ءارىنوۆ بەكىتىلدى.
«مەملەكەت باسشىسىنىڭ جارلىعىمەن شىڭعىس سايران ۇلى ءارىنوۆ قازاقستان رەسپۋبليكاسىنىڭ توتەنشە جاعدايلار ءمينيسترى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»، - دەلىنگەن اقوردانىڭ رەسمي سايتىندا.
ايتا كەتەيىك، شىڭعىس سايران ۇلى ءال- فارابي اتىنداعى قازاق ۇلتتىق ۋنيۆەرسيتەتىن حالىقارالىق قاتىناستار ماماندىعى بويىنشا بىتىرگەن. قازاق ەڭبەك جانە الەۋمەتتىك قاتىناستار اكادەمياسىندا «قۇقىق تانۋ»، ازاماتتىق اۆياتسيا اكادەمياسىندا «تاسىمالدى، قوزعالىستى ۇيىمداستىرۋ جانە كولىكتى پايدالانۋ» بويىنشا ءبىلىم العان.
2006-2022 ج ج. قازاقستان رەسپۋبليكاسى مەملەكەتتىك كۇزەت قىزمەتىنىڭ كادرىندا ءارتۇرلى وفيتسەرلىك جانە باسشى لاۋازىمداردا قىزمەت اتقاردى.
2022 -جىلعى قاڭتاردا قازاقستان رەسپۋبليكاسى پرەزيدەنتىنىڭ وكىمىمەن قازاقستان رەسپۋبليكاسى مەملەكەتتىك كۇزەت قىزمەتى باستىعىنىڭ ورىنباسارى - پرەزيدەنت كۇزەت قىزمەتىنىڭ باستىعى بولىپ تاعايىندالدى.
II، Ⅲ دارەجەلى «ەلباسىنىڭ قاۋىپسىزدىگىن ايبىندى اتقارعانى ءۇشىن» مەدالىمەن جانە «قازاقستان رەسپۋبليكاسى مەملەكەتتىك كۇزەت قىزمەتىنە 25 جىل»، «قازاقستان تاۋەلسىزدىگىنە 30 جىل» مەرەيتويلىق مەدالدارىمەن، سونداي-اق قازاقستان رەسپۋبليكاسى پرەزيدەنتىنىڭ اتىنان العىس حاتتارمەن ماراپاتتالعان.
