توقايەۆ تاجىكستان پرەزيدەنتى ەمومالي راحموندى تۋعان كۇنىمەن قۇتتىقتادى

مەملەكەت باسشىسى تاجىكستان پرەزيدەنتى ەمومالي راحمونمەن تەلەفون ارقىلى سويلەستى، دەپ حابارلايدى قازاقپارات اقورداعا سىلتەمە جاساپ.

тоқаев
Фото: Фото: Ақорда

قاسىم-جومارت توقايەۆ ەمومالي راحموندى تۋعان كۇنىمەن قۇتتىقتاپ، باۋىرلاس تاجىكستاندى دامىتۋ جولىنداعى جاۋاپتى مەملەكەتتىك قىزمەتىنە تابىس پەن باق-بەرەكە تىلەدى.

مەملەكەت باسشىسى ەكى ەل اراسىنداعى ستراتەگيالىق سەرىكتەستىكتى نىعايتۋعا تاجىكستان پرەزيەنتىنىڭ قوسقان جەكە ۇلەسى تۋرالى جوعارى پىكىر ءبىلدىردى.

تاراپتار قاسىم-جومارت توقايەۆتىڭ دۋشانبەگە جانە ەمومالي راحموننىڭ استاناعا جاساعان ساپارلارىنىڭ قورىتىندىلارىن وڭ باعالادى.

بۇل ساپارلار قازاق-تاجىك قاتىناستارىنىڭ ەرەكشە سيپاتقا يە ەكەنىن كورسەتتى.

بۇدان بولەك، پرەزيدەنتتەر وڭىرلىك كۇن ءتارتىبىن، سونداي-اق ترانسشەكارالىق سۋ كوزدەرىن پايدالانۋ جانە ساۋدا-ەكونوميكالىق ىقپالداستىق ماسەلەلەرى جونىندەگى ۋاعدالاستىقتاردىڭ جۇزەگە اسىرىلۋ بارىسىن تالقىلادى.

سوڭعى جاڭالىقتار