توقايەۆ قاتار مەملەكەتىنىڭ ۇلتتىق مەرەكەسىمەن قۇتتىقتادى
استانا. KAZINFORM - پرەزيدەنت قاتار مەملەكەتىنىڭ امىرىنە قۇتتىقتاۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.
قاسىم-جومارت توقايەۆ شەيح ءتاميم بەن حاماد ءال ءتاني مەن ونىڭ وتانداستارىن قاتار مەملەكەتىنىڭ ۇلتتىق مەرەكەسىمەن قۇتتىقتادى.
مەملەكەت باسشىسى قاتار قازاقستاننىڭ اراب الەمىندەگى سەنىمدى ءارى باستى سەرىكتەستەرىنىڭ ءبىرى ەكەنىنە توقتالىپ، ەكى ەل اراسىندا سىندارلى جانە مازمۇندى قارىم-قاتىناس ورناعانىن اتاپ ءوتتى. سونداي-اق ءداستۇرلى دوستىق پەن باۋىرلاستىق رۋحىنداعى بەرىك ىنتىماقتاستىق نىعايا ءتۇسىپ، قوس حالىقتىڭ يگىلىگى ءۇشىن ىلگەرىلەي بەرەتىنىنە سەنىم ءبىلدىردى.
قاسىم-جومارت توقايەۆ شەيح ءتاميم بەن حاماد ءال ءتانيدىڭ جاۋاپتى قىزمەتىنە تولاعاي تابىس، ال قاتار حالقىنا قۇت-بەرەكە تىلەدى.
ايتا كەتەيىك، بۇعان دەيىن اقوردادا مەملەكەت باسشىسى قاسىم-جومارت توقايەۆ پەن گۆينەيا-بيساۋ پرەزيدەنتى ۋمارۋ سيسوكۋ ەمبالو جوعارى دەڭگەيدەگى كەلىسسوزدەردىڭ قورىتىندىسىندا بىرلەسكەن مالىمدەمە قابىلدادى.
