تۇرىك قارۋلى كۇشتەرى ءبىر اپتادا 59 لاڭكەستى زالالسىزداندىردى

استانا. KAZINFORM - ءبىر اپتادا سونىڭ ىشىندە يراك پەن سيريانىڭ سولتۇستىگىندە لاڭكەستىككە قارسى وپەراتسيالار بارىسىندا 59 سودىر زالالسىزداندىرىلدى.

Қарулы кұштер
Фото: Анадолу

بۇل تۋرالى تۇركيا ۇلتتىق قورعانىس مينيسترلىگىنىڭ باسپا ءسوز جانە قوعاممەن بايلانىس جونىندەگى كەڭەسشىسى زەكي اكتۇرىك باسپا ءسوز ءماسليحاتىندا ءمالىم ەتتى، دەپ حابارلايدى انادولى اقپارات اگەنتتىگى.

ونىڭ اتاپ وتۋىنشە، تۇرىك قارۋلى كۇشتەرى قورعانىس جانە قاۋىپسىزدىك ستراتەگياسىنىڭ اياسىندا بارلىق قاۋىپ تۇرلەرىمەن كۇرەسۋدى جالعاستىرىپ جاتىر.

ونىڭ ايتۋىنشا، سوڭعى اپتادا 59 لاڭكەس زالالسىزداندىرىلسا، 1-قاڭتاردان بەرى 1151 لاڭكەس جويىلدى. ولاردىڭ 521- ءى يراكتا، 630-ى - سيريانىڭ سولتۇستىگىندە.

اقتۇرىك سونىمەن بىرگە وسى اپتادا يراكتىڭ سولتۇستىگىندەگى جاسىرىنۋ ورىندارىنان قاشقان ءبىر PKK تەرروريستىنىڭ حابۋر شەكارا بەكەتىندە تۇتقىنعا بەرىلگەنىن حابارلادى.

اۆتور

زارينا تۋعانبايەۆا

سوڭعى جاڭالىقتار