تۇركيانىڭ بۇرىنعى سىرتقى ىستەر ءمينيسترى ە ق ى ۇ باس حاتشىسى بولىپ سايلاندى
استانا. KAZINFORM - فەريدۋن سينيرليوعلى ە ق ى ۇ- عا مۇشە 57 ەلدىڭ ءبىراۋىزدان قولداۋىمەن ۇيىمنىڭ باس حاتشىسى بولىپ سايلاندى، دەپ حابارلايدى انادولى.
2024 -جىلعى 5-6 -جەلتوقساندا مالتادا وتكەن ەۋروپاداعى قاۋىپسىزدىك جانە ىنتىماقتاستىق ۇيىمى (ە ق ى ۇ) سىرتقى ىستەر مينيسترلەرى كەڭەسىنىڭ 31- وتىرىسىندا فەريدۋن سينيرليوگلۋ ۇيىمنىڭ باس حاتشىسى قىزمەتىنە تاعايىندالدى.
باس حاتشىنى ە ق ى ۇ مۇشەلەرى ءۇش جىلدىق مەرزىمگە سايلايدى.
سينيرليوعلى ۇيىمنىڭ نەگىزىن قالاعان 1975 -جىلعى حەلسينكي قورىتىندى اكتىنىڭ 50 جىلدىق تاريحىندا ە ق ى ۇ باس حاتشىسى قىزمەتىن اتقارعان العاشقى تۇرىك ازاماتى.
انكارا سينيرليوعلىنىڭ جاڭا مىندەتتەرىن ءساتتى اتقاراتىنىنا جانە ە ق ى ۇ فۋنكسيالارىن ءتيىمدى ورىنداۋعا ۇلەس قوساتىنىنا ۋادە بەردى.
فەريدۋن سينيرليوعلىنىڭ حالىقارالىق قاتىناستار مەن ديپلوماتيا سالاسىندا 40 جىلدان استام تاجىريبەسى بار.
ول 2015 -جىلى قۇرىلعان ۋاقىتشا ۇكىمەتتە سىرتقى ىستەر ءمينيسترى، 2015-2016 جانە 2009-2015 -جىلدارى سىرتقى ىستەر ءمينيسترىنىڭ ورىنباسارى قىزمەتىن اتقارعان. 2016-2023 -جىلدار ارالىعىندا تۇركيانىڭ ب ۇ ۇ جانىنداعى تۇراقتى وكىلى قىزمەتىن اتقاردى. 2023 -جىلى ب ۇ ۇ باس حاتشىسى ونى اۋعانستاندى تاۋەلسىز باعالاۋ جونىندەگى ارنايى ۇيلەستىرۋشى ەتىپ تاعايىندادى.
ەركەجان سماعۇلوۆا
