تۇركيادا قىتايدان اكەلىنەتىن كولىكتەرگە سالىناتىن باج سالىعى 40 پايىزعا وسەدى

استانا. KAZINFORM - بيىلعى جىلدىڭ 7-شىلدەسىنەن باستاپ تۇركيادا قىتايدان اكەلىنەتىن بارلىق كولىكتەرگە كەدەندىك باج سالىعى 40 پايىزعا وسەدى. تۇركيا باسشىسى رەجەپ تايپ ەردوعاننىڭ ءتيىستى وكىمى ۇكىمەتتىك  «Resmi Gazete» گازەتىندە جاريالاندى.

تۇركيا بيلىگى قىتايدان كەلەتىن دايىن كولىكتەرگە قورعانىس باجدارىن ەنگىزۋ تۋرالى شەشىم قابىلدادى. كەلەسى ايدا قىتايلىق كولىكتەرگە يمپورتتىق باج سالىعى %40- عا ارتىپ، ەڭ تومەنگى الىم ءبىر كولىك ءۇشىن 7 مىڭ دوللاردى قۇرايدى.

سوڭعى بىرنەشە جىلدا قىتايلىق اۆتوكولىك برەندتەرى تۇرىك اۆتوموبيل نارىعىندا بەلسەندى تۇردە تانىمال بولدى. وسى جىلدىڭ قاڭتار-ءساۋىر ارالىعىندا تۇركيادا اسپاناستى ەلىنىڭ 30 مىڭعا جۋىق جاڭا جولاۋشىلار جانە جەڭىل كوممەرتسيالىق كولىگى ساتىلدى. جالپى، ولاردىڭ ۇلەسى ەلدىڭ جالپى اۆتوكولىك نارىعىنىڭ 7,8 پايىزىن قۇرادى.

10% باستاپقى باج سالىعىن قوسا العاندا ادامدار قىتايدان اكەلىنگەن ءاربىر كولىك ءۇشىن ورتاشا ەسەپپەن %50 سالىق تولەيتىن بولادى. بۇرىن 40 پايىزدىق ۇستەماقى تەك ەلەكتروموبيلدەرگە عانا قولدانىلعان.

اۆتور

زارينا تۋعانبايەۆا