تۇركيا تەرروريزمگە قارسى كۇرەستە يراندى قولدايدى - ەردوعان

تۇركيا پرەزيدەنتى رەجەپ تايىپ ەردوعان يراندىق ارىپتەسى يبراحيم رايسيمەن تەلەفون ارقىلى سويلەسىپ، كەرمان پروۆينتسياسىندا بولعان تەراكتىدە قۇربان بولعاندارعا كوڭىل ايتتى.

Kazinform بۇل تۋرالى انادولى اگەنتتىگىنە سىلتەمە جاساپ حابارلايدى.

بۇل تۋرالى تۇركيا پرەزيدەنتى اكىمشىلىگىنىڭ كوممۋنيكاتسيالار ءبولىمىنىڭ حابارلاماسىندا ايتىلعان.

مالىمدەمەگە سايكەس، تۇرىك باسشىسى بەيبىت تۇرعىندارعا باعىتتالعان لاڭكەستىك ارەكەتتى ايىپتادى.

مەملەكەت باسشىسى تۇركيانىڭ تەرروريزممەن كۇرەستە يراندى قولدايتىنىنا سەندىردى.

پرەزيدەنت ەردوعان يراندى لاڭكەستىكپەن كۇرەستە بىرگە ارەكەت ەتۋگە شاقىراتىنىن قايتالاپ ايتتى.

يران پرەزيدەنتىنىڭ ەرتەڭگە جوسپارلانعان تۇركياعا ساپارى كەيىنگە قالدىرىلدى.

يراننىڭ كەرمان پروۆينتسياسىندا قاسەم سۇلەيماني بەيىتى ماڭىندا بولعان ەكى جارىلىس سالدارىنان قازا تاپقاندار سانى 103-كە جەتىپ، تاعى 211 ادام جارالاندى.

وقيعا 2020 -جىلدىڭ 3-قاڭتارىندا باعدادتا ا ق ش- تىڭ اۋە شابۋىلىنان يراندىق گەنەرالدىڭ قايتىس بولعانىنا 4 جىل تولعاندا ورىن الدى.

بۇعان دەيىن يبراحيم رايسيدىڭ 4- قاڭتاردا انكاراعا كەلەتىندىگى حابارلانعان بولاتىن. ولار تۇركيا- يران جوعارى دەڭگەيلى ىنتىماقتاستىق كەڭەسىنىڭ سەگىزىنشى وتىرىسىن اشپاس بۇرىن تۇركيا پرەزيدەنتى رەجەپ تايىپ ەردوعانمەن جەكە كەلىسسوزدەر جۇرگىزۋى ءتيىس ەدى.

اۆتور

ەركەجان سماعۇلوۆا