ترامپتىڭ ماياميدەگى ءزاۋلىم عيماراتى: پرەزيدەنتتىك كىتاپحانا قانداي بولادى

قۇرىلىس شاتىرىندا «ينە»، قاسبەتىندە تەگى التىنمەن جازىلعان جانە ءبىرىنشى قاباتتا Boeing 747 ۇشاعى (قاتار ۇكىمەتىنىڭ سىيلىعى) تۇرعان شىنى ءزاۋلىم عيماراتتان تۇرادى.

جوباعا ترامپتىڭ پرەزيدەنتتىك كەزەڭىندەگى ينتەرەر كوشىرمەلەرى كىرەدى: سوپاقشا كابينەت، «پرەزيدەنتتىك داڭق اللەياسى» بار باتىس كولوننادا جانە بال زالى.

جوبانى Bermello Ajamil ساۋلەت جانە ينجەنەرلىك فيرماسى ازىرلەيدى. قۇنى 67 ميلليون دوللاردان اساتىن ۋچاسكە قالانىڭ جاعالاۋىندا، Trump National Doral كۋرورتىنىڭ ماڭىندا ورنالاسقان.

بۇعان دەيىن فەدەرالدى سوت وسى جەردى جەرگىلىكتى كوللەدجدەن شتاتقا بەرۋدى توقتاتتى، ءبىراق جەلتوقساندا سوت تالاپ ارىزدى قاناعاتتاندىرماي، جوبانى جالعاستىرۋعا رۇقسات بەردى.

ترامپ كىتاپحانانى فلوريدادا تۇراتىن كۋبالىق قاۋىمداستىق ءۇشىن ماڭىزدى ەسكەرتكىش - بوستاندىق مۇناراسىنان اسىپ ءتۇسىپ، قالانىڭ جاڭا سيمۆولىنا اينالدىرۋدى كوزدەپ وتىر.

Truth Social-داعى جازباسىندا ترامپ پرەزيدەنتتىك كىتاپحانا قورىنا ونىڭ قۇرىلىسىن قولداۋ ءۇشىن قايىرىمدىلىق جاساۋعا سىلتەمە جاريالادى.

وسىعان دەيىن فلوريدادا پالم-بيچ حالىقارالىق اۋەجايىن دونالد ترامپتىڭ اتىنا بەرۋ تۋرالى زاڭ جوباسى ماقۇلدانعانىن جازدىق.