تەلەارنالاردا «قاڭتار. مەملەكەتتىك توڭكەرىس ارەكەتى. بۇل قالاي بولدى» دەرەكتى فيلمى كورسەتىلدى
قازاقستاندىق تەلەارنالار 2022 -جىلعى قاڭتارداعى قايعىلى وقيعالار تۋرالى جاڭا دەرەكتى فيلمدى كورسەتتى، دەپ حابارلايدى Kazinform.
فيلمدە ءار كۇن مەن ءار ساعاتتار نەگىزىندە قازاقستاندىق قالالاردىڭ كوشەلەرىندە وقيعالاردىڭ قالاي وربىگەنى، داعدارىس قالاي ەڭسەرىلگەنى تۋرالى نەگىزگى شەشىمدەردىڭ قالاي جانە قاشان قابىلدانعانى قامتىلعان.
جاڭا دەرەكتى فيلمدە قاڭتار تراگەدياسى وقيعالارىنىڭ ەكسكليۋزيۆتى قۇجاتتارى، فوتو جانە بەينەماتەريالدارى كورسەتىلگەن. كورەرمەندەرگە 2022 -جىلدىڭ قاڭتار كۇندەرىندە بولعان وقيعانىڭ تولىق بەينەسى ۇسىنىلدى.
دەرەكتى فيلمدە ەلدىڭ 11 ايماعىندا ميتينگىلەر ۇيىمداستىرىلعانى باياندالادى.
سونىمەن قاتار، وسى اۋداندار مەن قالالاردا بەيبىت الەۋمەتتىك نارازىلىقتار مەملەكەتتىك بيلىكتى قۇلاتۋ ءۇشىن ەكسترەميستىك تالاپتارمەن جاپپاي بۇزاقىلىقتارعا ۇلاستى.
قاستاندىق جاساۋشىلاردىڭ باستى ارەكەتى جانجالدى قوزدىرۋعا باعىتتالعان ەدى.
دەرەكتى فيلم قاسكويلەر بولجامداعان سەناري بويىنشا وقيعالاردىڭ 4 تولقىنىن كورسەتەدى:
1-تولقىن. بەيبىت ميتينگىلەر.
1-3-قاڭتاردا بەيبىت ميتينگىلەر ءوتتى (ەلدىڭ ءبىرقاتار ايماقتارىندا).
ماقساتى - ارانداتۋشىلار مەن سودىرلاردى كوپشىلىك اراسىنا ەنگىزۋ ءۇشىن حالىقتى كوشەگە شىعارۋ.
2-تولقىن. تارتىپسىزدىكتەر، قيراتۋ، ورتەۋ.
4-5-قاڭتاردا ىسكە اسىرىلدى (ءىشىنارا ءبىرقاتار وڭىرلەردە، تولىعىمەن الماتىدا) .
ماقساتى - حاوس پەن تارتىپسىزدىك اتموسفەراسىن قۇرۋ، توناۋ ۇيىمداستىرۋ، قارۋ-جاراق دۇكەندەرىن باسىپ الۋ، ورتەنگەن كولىكتەردەن بارريكادالار جاساۋ.
3-تولقىن. عيماراتتاردى باسىپ الۋ: اكىمشىلىك، كۇشتىك قۇرىلىمدار، ب ا ق، كولىك (اۋەجاي) جانە اقپاراتتىق (ب ا ق، تەلەۆىشكا) كوممۋنيكاتسيالار. كەپىلگە الۋ، بيلىك وكىلدەرىنە قاتىستى قوعامدىق زورلىق- زومبىلىق.
5-6-قاڭتاردا ىسكە اسىرىلدى (ءىشىنارا الماتىدا).
ماقساتى - حالىق اراسىندا قورقىنىش پەن دۇربەلەڭ، ۇرەي تۋعىزۋ، زاڭدى بيلىكتىڭ دارمەنسىزدىگىن كورسەتۋ، سونىمەن بىرگە اكىمدىكتەرگە، پوليتسياعا، ب ا ق-قا، اۋەجايلارعا جانە ت. ب. سيمۆوليكالىق تۇردە ءوز باقىلاۋلارىندا ەكەنىن كورسەتۋ.
4-تولقىن. سيريالىق سەناري.
ىسكە اسىرىلعان جوق.
«ۇيىقتاپ جاتقان» راديكالدى جاساقتاردىڭ كوتەرىلۋى. شەتەلدىك سودىرلاردى تارتۋ. ماقساتى - ەل بويىنشا جەكەلەگەن بانديتتىك جانە تەرروريستىك انكلاۆتار قۇرۋ. جەكەلەگەن ايماقتاردا بيلىكتى باسىپ الۋ.
قاڭتار بۇكىل ەلدى ءدۇر سىلكىندىردى، بۇل كەزەڭ بيلىكتى باسىپ الۋ ماقساتىندا اۋقىمدى مەملەكەتتىك توڭكەرىستىڭ الدىن-الا مۇقيات جوسپارلانعان ارەكەتى رەتىندە تاريحقا ەندى.
