تايلاندتاعى جەر سىلكىنىسىنەن زارداپ شەككەن قازاقستاندىقتار بار ما –س ءى م جاۋابى

استانا. KAZINFORM - ەلىمىزدىڭ سىرتقى ىستەر مينيسترلىگى تايلاندتاعى جەر سىلكىنىسىنە قاتىستى تۇسىنىك بەردى.

- قازاقستاننىڭ تايلاندتاعى ەلشىلىگىنىڭ اقپاراتى بويىنشا جەر سىلكىنىسىنە بايلانىستى وسى ەلدەگى وتانداستارىمىزدان قانداي دا ءبىر وتىنىشتەر كەلىپ تۇسكەن جوق، - دەدى مينيسترلىكتىڭ رەسمي وكىلى ايبەك سمادياروۆ اگەنتتىك تىلشىسىنە.

ايتا كەتسەك، ميانمادا 7,9 بالدىق جەر سىلكىنىسى تىركەلدى.

سونىمەن قاتار، بانگكوك تۇرعىندارى قاتتى جەر سىلكىنىسىنە بايلانىستى ەۆاكۋاتسيالانعانى تۋرالى حابارلاعان بولاتىنبىز. ۇكىمەت الداعى 24 ساعات ىشىندە تاعى دا جەراستى دۇمپۋلەرى بولۋى مۇمكىن ەكەنىن ەسكەرتتى.

سونداي-اق تايلاند پرەمەر-ءمينيسترى بانگكوكتى «توتەنشە جاعداي ايماعى» دەپ جاريالادى.