تاراز شەنەۋنىكتەرى قولدان قۇجات جاساپ، مەملەكەت مۇلكىن بالانستان شىعارىپ العان

تاراز. KAZINFORM - قارجىلىق مونيتورينگ اگەنتتىگى جامبىل وبلىسىنىڭ پروكۋراتۋراسىمەن بىرلەسىپ، تاراز قالاسى اكىمدىگىنىڭ قارجى ءبولىمىنىڭ لاۋازىمدى تۇلعالارىنا قاتىستى ءبىرقاتار زاڭبۇزۋشىلىقتار بويىنشا سوتقا دەيىنگى تەرگەۋدى باستادى.

قالا اكىمدىگى قىزمەتكەرلەرى مەملەكەت كىرىسىنە تۇسكەن تاۋارلىق- ماتەريالدىق قۇندىلىقتاردىڭ ەسەپكە الىنباۋىن پايدالانا وتىرىپ، رەسمي قۇجاتتاردى قولدان جاساۋ جولىمەن سوت ۇكىمىمەن تاركىلەنگەن كوممەرتسيالىق جىلجىمايتىن مۇلىك پەن حالىق تۇتىناتىن تاۋارلاردى مەكەمەنىڭ بالانسىنان زاڭسىز شىعارىپ العان.

اتالعان ازاماتتاردىڭ زاڭسىز ارەكەتىنەن كەلگەن زالال سوماسى 100 ميلليون تەڭگەدەن اسادى.

قازىرگى ۋاقىتتا تەرگەۋ-جەدەل ءىس-شارالار، ءتيىستى ساراپتاما جاساپ جاتىر.

ولاردىڭ ناتيجەسى بويىنشا شەشىم قابىلدانادى.

ق ر ق پ ك- ءنىڭ 201-بابىنا سايكەس وزگە دە اقپارات جاريالانبايدى.