تامارا دۇيسەنوۆا شەتەلدىك ۋنيۆەرسيتەتتەردىڭ فيليالىن اشۋ قازاقستانعا نە بەرەتىنىن ايتتى

استانا. KAZINFORM - پرەمەر-ءمينيستردىڭ ورىنباسارى تامارا دۇيسەنوۆا استانادا ءوتىپ جاتقان «Connected-2024» حالىقارالىق كونفەرەنتسياسىندا ەلدە اشىلعان 23 شەتەلدىك ۋنيۆەرسيتەتتىڭ فيليالىنان مەملەكەت نە كۇتىپ وتىرعانىن ايتتى.

«مەملەكەت باسشىسىنىڭ تاپسىرماسىنا سايكەس ەلىمىزگە شەتەل وقۋ ورىندارىن تارتۋ ءىسى جۇرگىزىلۋدە. قازىردىڭ وزىندە 23 جوعارى وقۋ ورنىنىڭ فيليالدارى ءوز جۇمىسىن باستاپ كەتتى. وسى مۇمكىندىكتى پايدالانا وتىرىپ، ستراتەگيالىق ارىپتەستەرىمىزگە ۇكىمەتتىڭ اتىنان ەرەكشە العىسىمدى بىلدىرەمىن»، - دەپ باستادى ول.

ۆيتسە-پرەمەر اتالعان ارىپتەستىكتىڭ ءۇش نەگىزگى ماقساتى بار ەكەنىن اتادى.

«ءبىرىنشىسى - حالىقارالىق ستاندارتتارعا ساي وقۋ باعدارلاماسىن مەڭگەرگەن، ەڭبەك نارىعى سۇرانىسىنا يە جوعارى بىلىكتى كادرلاردى دايىنداۋ؛
ەكىنشى - وقۋ باعدارلامالارى مەن وقىتۋ تەحنولوگيالارىنىڭ وزىق ۇلگىلەرىن ترانسفەرتتەۋ؛
ءۇشىنشى - عىلىم جانە يننوۆاتسيالاردى دامىتۋ.
«جۇمىلا كوتەرگەن جۇك جەڭىل» دەگەن ءسوز بار. ءوزارا ءتيىمدى جۇمىس ىستەپ، الدىمىزعا قويعان ماقساتىمىزعا بىرگە جەتەمىز دەپ سانايمىن»، - دەدى تامارا دۇيسەنوۆا.

ايتا كەتەيىك، ەلوردادا الەمنىڭ 60 ەلىنەن حالىقارالىق دەڭگەيدەگى 300 ساراپشىنىڭ قاتىسۋىمەن عىلىم-ءبىلىم، يننوۆاتسيا، سيفرلاندىرۋ جانە ەكولوگيا ماسەلەلەرىنە ارنالعان حالىقارالىق كونفەرەنتسيا ءوتىپ جاتىر.

اۆتور
ەسىمجان ناقتىباي