تالدىقورعاندا ەكى اي بۇرىن جوعالعان 14 جاسار قىزدىڭ اناسى مەن وگەي اكەسى ۇستالدى

қылмыс
Фото:Pixabay

تالدىقورعاندا قاراشادان بەرى مەكتەپكە بارماي، ءىز-ءتۇزسىز كەتكەن 14 جاسار قىز ءالى تابىلعان جوق. پوليتسيا ونىڭ اتا- اناسىن قاماۋعا الدى، دەپ حابارلايدى قازاقپارات وبلىستىق پ د باسپا ءسوز قىزمەتىنە سىلتەمە جاساپ.

«14 جاسار قىزدىڭ جوعالۋ دەرەگىنە بايلانىستى كۇدىكتى دەپ تانىلعان قىزدىڭ تۋعان اناسى مەن تيكتوكتا شاعىمدانعان وگەي اكەسى ۇستالىپ، قاماۋعا الىندى» دەپ مالىمدەدى جەتىسۋ وبلىستىق پوليتسيا دەپارتامەنتىنەن.

ۆەدومستۆو قانداي باپپەن ءىس قوزعالعانىن، كۇدىكتىلەر قىزدى ءولتىردى مە، الدە باسقا قىلمىس جاسادى ما - ول جاعىن ناقتىلاعان جوق.

ايتا كەتەيىك، مۇنىڭ الدىندا قىزدىڭ وگەي اكەسى ۆيدەو ءتۇسىرىپ، پوليتسيا ايەلىن ۇستاپ اكەتىپ، ۇرىپ-سوققانىن، رۇقسات ەتىلمەگەن تەرگەۋ ادىستەرىن قولدانعانىن ايتقان ەدى.

پوليتسيا كۇدىكتىلەرگە زاڭسىز تەرگەۋ ادىستەرى جاسالماعانىن حابارلادى.

«العاشقى كۇننەن باستاپ ادۆوكاتتارعا تەرگەۋ امالدارىنا قاتىسۋعا مۇمكىندىك بەرىلگەن. ءىس ىشكى ىستەر مينيسترلىگىنىڭ ەرەكشە باقىلاۋىندا»، - دەيدى جەتىسۋ وبلىستىق پوليتسيا دەپارتامەنتى باستىعىنىڭ ورىنباسار رۋسلان چاراپيەۆ.

ەسكە سالا كەتەيىك، ءبىز بۇعان دەيىن تالدىقورعاندا بىرنەشە اي مەكتەپكە بارماعان 14 جاسار قىز ىزدەستىرىلىپ جاتقانىن حابارلاعان ەدىك.

28-جەلتوقساندا تالدىقورعان قالاسىنىڭ پوليتسيا بولىمىنە ءبىر مەكتەپتىڭ باسشىلىعىنان بىرنەشە اي بويى ساباققا كەلمەگەن 14 جاسار وقۋشى تۋرالى شاعىم تۇسكەن.

اۆتور

جانات قاپالبايەۆا

سوڭعى جاڭالىقتار