سيىر تەرىسىنىڭ 84 پايىزى بوسقا قالىپ جاتىر

استانا. KAZINFORM - اۋىل شارۋاشىلىعى مينيسترلىگى اگرارلىق ازىق-تۇلىك نارىقتارى جانە اۋىل شارۋاشىلىعى ءونىمىن قايتا وڭدەۋ دەپارتامەنتىنىڭ ديرەكتورى نازگۇل حاتەپوۆا ەلدەگى سيىر تەرىسىنىڭ 16 پايىزى عانا قاجەتكە جاراتىلاتىنىن ايتتى.

«سالادا كەيبىر پروبلەمالىق ماسەلەلەر بار. سونىڭ ءبىرى - اۋىل شارۋاشىلىعى ونىمدەرىن وڭدەۋ دەڭگەيىنىڭ تومەندىگى. مىسالى، ءسۇتتى وڭدەۋ ۇلەسى %52، مايلى داقىلداردا - %45، ەتتە - %41، ءداندى داقىلداردا - %30، جەمىستەر مەن كوكونىستەردە - %3». ەكىنشى ماسەلە - وڭدەۋ كاسىپورىندارىنىڭ جۇكتەلۋ دەڭگەيىنىڭ تومەندىگى. مىسالى، ەت وڭدەۋ قۋاتىنىڭ جۇكتەلۋى %54، ماكارون ونىمدەرىندە - %42، ۇندا - %36، جارمادا - 23، جۇندە - 26، تەرىدە - 6,3 پايىز»، - دەدى دەپارتامەنت ديرەكتورى باسپا ءسوز ءماسليحاتىندا.

مينيسترلىكتىڭ رەسمي مالىمەتى بويىنشا، جىل سايىن الىناتىن تەرى مەن ءجۇننىڭ 84 پايىزى قاجەتكە جاراتىلمايدى.

2023 -جىلى وندىرىلگەن 3,5 ميلليون ءىرى قارا تەرىسىنىڭ تەك %6- ى (208 مىڭ) وڭدەلگەن، %10- ى (348 مىڭ) ەكسپورتتالعان، ال قالعان %84- ى (2,971 مىڭ) وڭدەلمەي قالعان.

بۇعان دەيىن 26 -قازاننان باستاپ قازاقستان اۋماعىنان ءۇشىنشى ەلدەرگە جانە ەۋرازيالىق ەكونوميكالىق وداق ەلدەرىنە وگىزشەلەر مەن توقتىلاردى ەكسپورتتاۋ كۆوتاسىن ءبولۋ قاعيدالارى كۇشىنە ەنەتىنىن جازعان ەدىك.

اۆتور

ەسىمجان ناقتىباي