سيرەك كەزدەسەتىن 20 وسىمدىكتىڭ تۇقىمى عارىشقا جىبەرىلەدى

استانا. KAZINFORM - كوروليەۆ اتىنداعى سامارا ۋنيۆەرسيتەتىنىڭ عالىمدارى عارىش جاعدايلارىنىڭ ءتىرى ورگانيزمدەرگە اسەرىن زەرتتەۋ جانە رەسەيلىك وربيتالىق ستانتسيانىڭ قاۋىپسىزدىگىن باعالاۋ ماقساتىندا №2 «بيون- م» وربيتالىق زەرتحاناسىنىڭ بورتىندا عارىشقا جىبەرىلەتىن سيرەك وسىمدىكتەردىڭ 20 ءتۇرىنىڭ تۇقىمىن دايىندادى. بۇل تۋرالى ت ا س س اگەنتتىگى جازدى.

жер
Фото: NASA

«ۋنيۆەرسيتەتتىڭ بوتانيكالىق باعىنىڭ ماماندارى №2 «بيون- م» وربيتالىق زەرتحاناسىنىڭ بورتىندا ەكسپەريمەنتكە قاتىسۋ ءۇشىن عارىشقا ۇشاتىن سيرەك كەزدەسەتىن وسىمدىكتەر تۇقىمىنىڭ پارتياسىن تاڭدادى»، - دەلىنگەن ۋنيۆەرسيتەتتىڭ باسپا ءسوز قىزمەتى تاراتقان حابارلامادا.

رەسەيدىڭ جانە سامارا وبلىسىنىڭ قىزىل كىتابىنا ەنگىزىلگەن وسىمدىكتەردىڭ 20 ءتۇرى ىرىكتەلىپ الىندى: التىن ۆولودۋشكا، شرەنك قىزعالداعى، جىڭىشكە جاپىراقتى سالدەگۇل، ءۇش جاپىراقتى ولمەسگۇل، ىلمەشەكتى كوكنار، جيگۋلەۆسكي كاچيم، قىرىم اسفودەليناسى، كادىمگى كەستەجۋسان، جۇرەك جاپىراقتى كاتران جانە ت. ب. ولاردىڭ اراسىندا 2013 -جىلى ءبىرىنشى «بيون- م» زەرتحاناسىندا عارىشتا بولعان تۇقىمداردان وسىرىلگەن وسىمدىكتەردىڭ تۇقىمدارى دا بار.

ۋنيۆەرسيتەتتىڭ بوتانيكالىق باعىنىڭ ماماندارى اتاپ وتكەندەي، ەكسپەريمەنتتىڭ بىرەگەيلىگى ونىڭ نىسانى تابيعي فلورانىڭ سيرەك كەزدەسەتىن وسىمدىكتەرىنىڭ تۇقىمدارى بولاتىنىندا. ولار ءارتۇرلى اسەرلەرگە ءتوزىمدى اۋىل شارۋاشىلىعى داقىلدارىنا قاراعاندا عارىشقا العاش رەت جىبەرىلەدى.

اۆتور

زارينا تۋعانبايەۆا

سوڭعى جاڭالىقتار