سوت ورىنداۋشىلارى قىزمەتىنىڭ 80 پايىزدان استامى ەلەكتروندى فورماتتا اتقارىلادى - ادىلەت مينيسترلىگى
استانا. KAZINFORM - سوت ورىنداۋشىلارى ءىس-ارەكەتتەرىنىڭ %80 دان استامى ەلەكتروندىق فورماتتا جۇزەگە اسىرىلادى. بۇل تۋرالى و ك ق الاڭىندا وتكەن باسپا ءسوز كونفەرەنسياسىندا ايتىلدى.
مەملەكەتتىك ورگانداردىڭ، سونداي-اق قارجى ۇيىمدارىنىڭ اقپاراتتىق جۇيەلەرىمەن ىقپالداسۋ، اتقارۋشىلىق قۇجاتتى ورىنداۋ ءۇشىن قاجەتتى مالىمەتتەردى الۋ، سونداي-اق ماجبۇرلەپ ورىنداۋ شارالارىن قابىلداۋ ۋاقىتىن ەداۋىر قىسقارتۋعا مۇمكىندىك بەردى.
«ادىلەت مينيسترلىگى اتقارۋشىلىق ءىس جۇرگىزۋ پروتسەسىن اۆتوماتتاندىرۋ بويىنشا جۇمىس جۇرگىزۋدە، سونىڭ ارقاسىندا بۇگىنگى تاڭدا سوت ورىنداۋشىلارىنىڭ ءىس-ارەكەتتەرىنىڭ %80 دان استامى جۇيەدە جۇزەگە اسىرىلادى»، - دەدى ق ر ادىلەت ۆيتسە-ءمينيسترى دانيەل ۆايسوۆ و ك ق الاڭىندا وتكەن باسپا ءسوز كونفەرەنسياسىندا.
ازاماتتارعا ىڭعايلى بولۋ جانە اتقارۋشىلىق ءىس جۇرگىزۋدىڭ اشىقتىعىن ارتتىرۋ ءۇشىن ارنايى سەرۆيستەر (ونلاين بەرەشەكتى تولەۋ، سمس حابارلاما، جۇيەدەگى تاراپتار كابينەتى، بورىشكەرلەر ءتىزىلىمى) قۇرىلدى، ولار ورىنداۋ بويىنشا بارلىق ارەكەتتەردى قاداعالاپ قانا قويماي، سونىمەن قاتار بارلىق شەكتەۋ شارالارىن اۆتوماتتى تۇردە الىپ تاستاي وتىرىپ، ونلاين رەجيمدە بەرەشەكتى تولەم جاساۋعا مۇمكىندىك بەرەدى.
سونداي-اق وتىرىستا 2024 -جىلعى 19-تامىزدا وڭايتىلعان ءىس جۇرگىزۋ ينستيتۋتىن ەنگىزۋدى كوزدەيتىن زاڭ كۇشىنە ەنەتىنى ايتىلدى. وڭايلاتىلعان ءوندىرىستىڭ نەگىزگى مىندەتى - جەكە سوت ورىنداۋشى قىزمەتىنە اقى تولەۋدەن بوساتۋ ارقىلى حالىقتىڭ قارجىلىق جۇكتەمەسىن ازايتۋ.
«وزدەرىڭىز بىلەتىندەي، جەكە سوت ورىنداۋشىسى قۇجاتتى ورىنداعان جاعدايدا، بورىشكەر نەگىزگى بورىشىنان باسقا، جەكە سوت ورىنداۋشىسى قىزمەتىن زاڭنامادا بەلگىلەنگەن مولشەردە دە تولەۋگە ءتيىس (%3 دان %25). وڭايتىلعان ءىس جۇرگىزۋ، ءوز كەزەگىندە، تەك نەگىزگى قارىزدى تولەۋدى قاراستىرادى، ويتكەنى ورىنداۋ پروتسەسى جەكە سوت ورىنداۋشىسىنسىز قاتىسۋىنسىز تولىعىمەن اۆتوماتتاندىرىلادى»، - دەدى ق ر ادىلەت ۆيتسە-ءمينيسترى دانيەل ۆايسوۆ و ك ق الاڭىندا وتكەن باسپا ءسوز كونفەرەنتسياسىندا.
