سولتۇستىك كورەيا سارى تەڭىزگە قاراي 60 سنارياد اتتى

پحەنيان باتىس جاعالاۋىنان سارى تەڭىزگە قاراي تاعى دا 60-قا جۋىق سنارياد اتقىلادى، دەپ حابارلايدى Kazinform Yonhap اگەنتتىگى مەن كورەيا رەسپۋبليكاسى قارۋلى كۇشتەرى شتاب باستىقتارى كوميتەتىنە سىلتەمە جاساپ.

جاعالاۋ ارتيللەرياسى جەرگىلىكتى ۋاقىت بويىنشا 16:00-17:00 (ماسكەۋ ۋاقىتى بويىنشا 10:00 - 11:00) اراسىندا وق جاۋدىردى، سناريادتار سەۋل ءىس جۇزىندە تەڭىز شەكاراسى دەپ سانايتىن سولتۇستىك دەماركاتسيالىق سىزىعىنىڭ سولتۇستىگىنە، بۋفەرلىك ايماققا قۇلادى.

سەۋل كەيبىر ەرەجەلەردى ورىنداۋدى توقتاتقاننان كەيىن پحەنيان دا ونى ورىنداۋدان باس تارتقان.

بۇل جولى وڭتۇستىك كورەيالىق تاراپ مۇنداي جاتتىعۋلار وتكىزۋدى جوسپارلاپ وتىرعان جوق.

5-قاڭتاردا وقۋ-جاتتىعۋلار اياسىندا سولتۇستىك كورەيانىڭ جاعالاۋ ارتيللەرياسى وڭتۇستىك كورەيانىڭ سارى تەڭىزدە ورنالاسقان ارالدارىنا قاراي 200-گە جۋىق سنارياد اتقىلادى. بۇعان جاۋاپ رەتىندە وڭتۇستىك كورەيالىق اسكەريلەر 400 سنارياد اتقىلاپ، ءوز مانيەۆرلەرىن جاسادى.

اۆتور

اسحات رايقۇل