Stopfake.kz: قازاقستاندا ادەيى ۆيرۋس تاراتىلىپ جاتىر

نۇر-سۇلتان. قازاقپارات - قازاقستاندىقتار WhatsApp-تا 7-8-تامىزدا «ۆيرۋس شاشاتىندىقتان» دالاعا شىقپاۋعا شاقىراتىن حابارلاما تاراتۋدا. بۇل فەيك، دەپ حابارلايدى قازاقپارات Stopfake.kz سايتىنا سىلتەمە جاساپ.

حابارلاما اۆتورى «اۋرۋحانا قىزمەتكەرلەرىنىڭ» ايتقانىنا سۇيەنەدى. ولار ستاتسيونارلاردا اۋرۋ جۇقتىرعان ناۋقاستاردىڭ جاپپاي تۇسۋىنە ازىرلەنىپ، وتتەگى باللوندارىن دايىنداپ جاتىر ەكەن.

«10-11-تامىزدا ادامدار اۋرۋحانالارعا كوپتەپ تۇسەدى، تەرەزەلەردى جاۋىپ، شىداڭىزدار. تانىستارىڭىزعا ايتىڭىز. بارلىعى جوسپارلانعان. السىزدەر ءولىپ كەتەدى»، - دەلىنگەن ماتىندە. سانيتارلىق-ەپيدەميولوگيالىق باقىلاۋ كوميتەتى بۇل اقپاراتتى تەرىسكە شىعاردى. سونداي-اق، مەكەمەدەگىلەر قازاقستاندا جالعان اقپارات تاراتۋشى زاڭمەن جازالاناتىنىن ەسكە سالدى.