سالىق- بيۋدجەت رەفورماسى ەكونوميكانى دامىتۋدىڭ پارمەندى تەتىگى بولماق - بەكتەنوۆ
استانا. KAZINFORM - پرەمەر- مينيستر ولجاس بەكتەنوۆ ەكونوميكا جانە كاسىپكەرلىك سالاسىنداعى ساراپشىلار قاۋىمداستىعىنىڭ وكىلدەرىمەن كەزدەستى. بۇل تۋرالى قر ۇكىمەتىنىڭ باسپا ءسوز قىزمەتى حابارلادى.

پرەمەر- ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين ەلىمىزدەگى قازىرگى ەكونوميكالىق جاعداي تۋرالى بايانداپ، ونەركاسىپتى دامىتۋ، ينفراقۇرىلىمدى جاڭعىرتۋ، وڭىرلەردە ءوسىمنىڭ جاڭا مۇمكىندىكتەرىن ىسكە قوسۋ جونىندەگى مىندەتتەردى شەشۋ ءۇشىن سالىق- بيۋدجەت رەفورماسىن جۇرگىزۋ تاسىلدەرىن ايتتى.
كەزدەسۋگە قاتىسۋشىلار مەملەكەتتىك قارجىنى تۇراقتاندىرۋ جانە ولاردى ءتيىمدى پايدالانۋ شارالارى بەكىتىلگەن جاڭا سالىق جانە بيۋدجەت كودەكستەرى جوبالارىن تالقىلادى.
باسقوسۋ بارىسىندا «اتامەكەن» ۇ ك پ ءتورالقا ءتوراعاسى رايىمبەك باتالوۆ، «قازاقستان ماشينا جاساۋشىلار وداعى» زتب باسقارما ءتوراعاسى مەيرام پىشەمبايەۆ، «تاۋ- كەن ءوندىرۋ جانە تاۋ- كەن مەتاللۋرگيا كاسىپورىندارىنىڭ رەسپۋبليكالىق قاۋىمداستىعى» زتب اتقارۋشى ديرەكتورى نيكولاي رادوستوۆەتس، «قازاقستاننىڭ قۇرىلىس سالۋشىلار قاۋىمداستىعى» ز ت ب پرەزيدەنتى ۆيكتور ميكريۋكوۆ، «اتامەكەن» ۇ ك پ ءتورالقاسى فارماتسيەۆتيكالىق، مەديتسينالىق ونەركاسىپ جانە مەديتسينالىق قىزمەتتەر كوميتەتىنىڭ ءتوراعاسى نۇرجان وتاربايەۆ، «قازاقستان قارجىگەرلەرىنىڭ قاۋىمداستىعى» زتب كەڭەسىنىڭ ءتوراعاسى ەلەنا باحمۋتوۆا، «KAZENERGY» قازاقستان مۇناي- گاز جانە ەنەرگەتيكا كەشەنى ۇيىمدارىنىڭ قاۋىمداستىعى» ز ت ب ءتوراعاسى ماعزۇم مىرزاعاليەۆ ۇسىنىلىپ وتىرعان وزگەرىستەردىڭ ەكونوميكانىڭ ءتۇرلى سالالارىنا اسەرى تۋرالى ايتتى.
ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى ديرەكتورلار كەڭەسىنىڭ ءتوراعاسى جاقسىبەك قۇلەكەيەۆ، «NAC Analytica» كورپوراتيۆتىك قورى باسقارماسىنىڭ ءتوراعاسى راسۋل رىسمامبەتوۆ، «Dasco Consulting group» ج ش س باسقارۋشى سەرىكتەسى دارمەن ءسادۋاقاسوۆ، «Fortune Partners» ج ش س باس ديرەكتورى، MNU سالىق قۇقىعى مەكتەبىنىڭ باسشىسى دانا توقمۋرزينا، ق م مەملەكەتتىك قارجى جونىندەگى قوعامدىق كەڭەسىنىڭ ءتوراعاسى رۋستام ءجۇرسىنوۆ، «كوممەنتاري» تالداۋ توبىنىڭ جەتەكشىسى، ەكونوميست ەلدار شامسۋتدينوۆ بايىپتى پىكىرلەرىن ورتاعا سالدى. سونداي- اق تالقىلاۋعا «تالاپ» قولدانبالى زەرتتەۋلەر ورتالىعىنىڭ ديرەكتورى راحىم وشاقبايەۆ، «DESHT» تالداۋ ورتالىعىنىڭ جەتەكشىسى قۋانىش جايىقوۆ، ەكونوميست عالىمجان ايتقازين، تاۋەلسىز قارجى ساراپشىسى اندرەي چەبوتاريەۆ، «Visor Kazakhstan» ينۆەستيتسيالىق كومپانياسىنىڭ باسقارۋشى سەرىكتەسى الماس چۋكين جانە باسقالار قاتىستى.
پرەمەر- مينيستر كەزدەسۋگە قاتىسۋشىلارعا سىندارلى ديالوگ ءۇشىن العىس ءبىلدىرىپ، ۇلتتىق ەكونوميكا، قارجى مينيسترلىكتەرىنە سالىق- بيۋدجەت سالاسىن رەفورمالاۋ ماسەلەلەرى بويىنشا ايتىلعان ۇسىنىستاردى پىسىقتاۋدى تاپسىردى.
- پرەزيدەنت ناقتى سەكتوردى دامىتۋدى كۇشەيتە وتىرىپ، ەكونوميكا قۇرىلىمىن وزگەرتۋ مىندەتىن قويدى. سوندىقتان تالقىلاناتىن رەفورمالار ەلىمىز ءۇشىن ماڭىزدى. سالىق- بيۋدجەت رەفورماسى ەكونوميكانى ودان ءارى دامىتۋ جونىندەگى جۇمىستى جەتىلدىرۋدىڭ پارمەندى تەتىگى بولماق، - دەپ اتاپ ءوتتى ولجاس بەكتەنوۆ.
ۇكىمەت ەكونوميكالىق ءوسۋدى ىنتالاندىرۋدىڭ بارىنشا ءتيىمدى شارالارىن پىسىقتاۋ ءۇشىن ساراپشىلارمەن بەلسەندى تۇردە جۇمىس ىستەۋدى جالعاستىرۋدا.