مينيستر سۋ تاسقىنىنان قانشا باس مال قىرىلعانى تۋرالى ايتتى

استانا. KAZINFORM - سۋ باسقان وڭىرلەردە مال شىعىنى وتەلە باستادى.

«مال شىعىنى مەن تولەماقىعا قاتىستى ءتۇرلى اقپارات تاراپ جاتىر. ءار وڭىردە جەدەل شتاب قۇرىلعان، ولار جۇمىس ىستەۋدە. تاسقىن سۋ اۋماعىنان 138800 باس مال قۇتقارىلدى. ودان بولەك، 9761 باس مال قىرىلدى، ولەكسەلەردىڭ %98 ى جويىلدى. قىرىلعان مال شىعىنىن وتەۋدىڭ الگوريتمى بار، قۇجاتى بار مال شىعىنى بيۋدجەت ەسەبىنەن وتەلەدى. ال قۇجاتى جوق، تىركەلمەگەن مال شىعىندارى قوردىڭ، دەمەۋشىلەردىڭ ەسەبىنەن وتەلەدى. بۇگىندە 4801 باس مال شىعىنى وتەلدى، بۇل باعىتتاعى جۇمىس جالعاسىپ جاتىر»، - دەدى اۋىل شارۋاشىلىعى ءمينيسترى ايدار ساپاروۆ ۇكىمەت وتىرىسىنان كەيىن وتكەن بريفينگىدە.

ءمينيستردىڭ مالىمەتىنشە، 4801 باس مال شىعىنىن وتەۋگە 1 ميلليارد 198 ميلليون تەڭگە بولىنگەن.

بۇعان دەيىن سۋ تاسقىنى ەلدى مەكەندەرگە كوپ قوقىس اكەلگەنىن، سالدارىنان ءورت شىعۋ قاۋپى ارتقانىن جازعان ەدىك.

اۆتور
داۋلەت ىزتىلەۋ