سۋ جۇيەسىن جابدىقتاۋ جانە قايتا قۇرۋ: ارناۋلى مەملەكەتتىك قوردان قوسىمشا 161 ميلليارد تەڭگە ءبولىندى
استانا. KAZINFORM - ۇكىمەت باسشىسىنىڭ ورىنباسارى قانات بوزىمبايەۆ سۋمەن قامتۋ جۇمىستارىنا قاتىستى قۇزىرلى ورگاندار مەن اكىمدىكتەردىڭ تاپسىرماسىن ەسكە سالدى.
- بيىل رەسپۋبليكالىق بيۋدجەت، ياعني سۋ رەسۋرستارى جانە يرريگاتسيا مينيسترلىگى ەسەبىنەن سۋمەن جابدىقتاۋ جۇيەسىن سالۋعا جانە قايتا قۇرۋعا 124 ميلليارد تەڭگە قاراستىرىلعان. باستالعان جۇمىستاردى اياقتاۋعا ەكى ترانشپەن ارنايى مەملەكەتتىك قوردان قوسىمشا 161 ميلليارد تەڭگە ءبولىندى. وسى جۇمىستاردى ءتيىستى مەرزىمدە اياقتاۋ ءۇشىن قۇزىرلى ورگاندار مەن اكىمدىكتەر جۇمىس بارىسىن قاتاڭ باقىلاپ، جىل سوڭىنا دەيىن اياقتاۋ قاجەت، - دەدى قانات بوزىمبايەۆ ۇكىمەت وتىرىسىندا.
بۇعان دەيىن ۇكىمەت باسشىسى ولجاس بەكتەنوۆ ىسكە اسىرىلۋ مەرزىمى سوزىلىپ كەتكەن تازا اۋىز سۋ جوبالارىن اتادى.
ايتا كەتەيىك، 2027 -جىلعا دەيىن سۋ ەسەپتەۋ جۇيەسىن تولىق سيفرلاندىرۋ جوسپارلانىپ وتىر.
ەلىمىزدە ۇلتتىق سۋ رەسۋرستارى اقپاراتتىق جۇيەسى ازىرلەنىپ جاتىر.
