پرەزيدەنتتىڭ ىشكى ساياسات ماسەلەلەرى جونىندەگى كومەكشىسى تاعايىندالدى

ءتيىستى جارلىققا پرەزيدەنت قاسىم-جومارت توقايەۆ قول قويدى.

- ەلدار سەيداحمەت ۇلى تولعانبايەۆ قازاقستان رەسپۋبليكاسى پرەزيدەنتىنىڭ ىشكى ساياسات ماسەلەلەرى جانە كوممۋنيكاتسيالار جونىندەگى كومەكشىسى لاۋازىمىنا تاعايىندالسىن، - دەلىنگەن قۇجاتتا.

ەلدار تولعانبايەۆ 1981-جىلى الماتى وبلىسىندا دۇنيەگە كەلگەن.

شاكارىم اتىنداعى سەمەي مەملەكەتتىك ۋنيۆەرسيتەتىن، د. ا. قونايەۆ اتىنداعى ۋنيۆەرسيتەتتى ءتامامداعان.

ەڭبەك جولىن 2005-جىلى الماتى وبلىسى الاكول اۋدانى ءماسليحات اپپاراتىنىڭ باس مامانى بولىپ باستاعان.

2005-2006-جىلدارى - الماتى وبلىسى الاكول اۋدانى اكىمدىگى ىشكى ساياسات ءبولىمىنىڭ مامانى.

2006-2008-جىلدارى ق ر مادەنيەت جانە اقپارات مينيسترلىگىنىڭ قۇرىلىمىندا قىزمەت ەتكەن.

2008-2012-جىلدارى - باس كەڭەسشى؛ ق ر پرەمەر-ءمينيسترى كەڭسەسىنىڭ اقپاراتتىق-تالداۋ ورتالىعىنىڭ جەدەل اقپارات سەكتورىنىڭ مەڭگەرۋشىسى.

2012-2016-جىلدارى – ق ر پرەزيدەنتىنىڭ جانىنداعى «ورتالىق كوممۋنيكاتسيالار قىزمەتى» ر م م ديرەكتورىنىڭ ورىنباسارى.

2016-2019-جىلدارى – ق ر پارلامەنتى ءماجىلىسى ءتوراعاسىنىڭ كەڭەسشىسى.

2019-جىلى جەكە قۇرىلىمىندا جۇمىس ىستەدى.

2019-2020-جىلدارى - «الماتى قالاسىن دامىتۋ ورتالىعى» ا ق باسقارما ءتوراعاسىنىڭ ورىنباسارى.

2020-2022-جىلدارى - «Almaty تەلەراديوكومپانياسى» ا ق باس ديرەكتورىنىڭ ءبىرىنشى ورىنباسارى.

2022-2023-جىلدارى ق ر پرەزيدەنتى اكىمشىلىگىنىڭ مەملەكەتتىك ينسپەكتورى قىزمەتىن اتقاردى.

2023-جىلى ق ر اقپارات جانە قوعامدىق دامۋ ۆيتسە-ءمينيسترى.

2023-2024-جىلدارى قازاقستان رەسپۋبليكاسى پرەزيدەنتى اكىمشىلىگىنىڭ كوممۋنيكاتسيالار ءبولىمى مەڭگەرۋشىسىنىڭ ورىنباسارى.

2024-جىلعى اقپاننان قازىرگە دەيىن قازاقستان رەسپۋبليكاسى ۇكىمەتى اپپاراتى باسشىسىنىڭ ورىنباسارى بولىپ ەڭبەك ەتتى.

ەسكە سالايىق، بۇعان دەيىن مۇرات بايمۇقاشيەۆ قازاقستان رەسپۋبليكاسى قاۋىپسىزدىك كەڭەسى اپپاراتىنىڭ باسشىسى بولىپ تاعايىندالعانىن حابارلاعانبىز.