پرەزيدەنت اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى تاعايىندالدى

مەملەكەت باسشىسىنىڭ وكىمىمەن باقىت ەسىموۆا قازاقستان رەسپۋبليكاسى پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى لاۋازىمىنا تاعايىندالدى.

پاۆلودار وبلىسىندا دۇنيەگە كەلگەن. سانكت-پەتەربۋرگ مەملەكەتتىك ينجەنەرلىك-ەكونوميكالىق ۋنيۆەرسيتەتىن بىتىرگەن (2006، «بولاشاق» باعدارلاماسى بويىنشا).

ەڭبەك جولى: «قازاقستان جاستارى كونگرەسى» زاڭدى تۇلعالار قاۋىمداستىعىنىڭ مەنەدجەرى، اتقارۋشى ديرەكتور كەڭسەسىنىڭ باسشىسى (2006-2007)؛ «ساۋدا ساياساتىن دامىتۋ ورتالىعى» اكتسيونەرلىك قوعامىنىڭ ساراپشىسى (2007-2008)؛ قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ ستراتەگيالىق جوسپارلاۋ جانە قوعاممەن بايلانىس ءبولىمىنىڭ باسشىسى (2008-2010)؛ اقمولا وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار دەپارتامەنتى باسشىسىنىڭ ورىنباسارى (2010-2011)؛ اقمولا وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار دەپارتامەنتىنىڭ باسشىسى (2011-2013)؛ اقمولا وبلىسى اكىمى اپپاراتىنىڭ باسشىسى (2013-2015)؛ «استانا قالاسىنىڭ ىشكى ساياسات دەپارتامەنتى» مەملەكەتتىك مەكەمەسىنىڭ باسشىسى (2015-2020)؛ قوستاناي وبلىسى اكىمىنىڭ ورىنباسارى (2020-2022).

2022 -جىلدىڭ مامىر ايىنان ق ر پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمى باسشىسىنىڭ ورىنباسارى بولدى.