13:36, 16 - قىركۇيەك 2025 | GMT +5
پرەزيدەنت توقايەۆ اقمولا وبلىسىنداعى اگرارلىق كورمەنى ارالادى
استانا. KAZINFORM - قاسىم-جومارت توقايەۆ اقمولا وبلىسىندا شىعارىلاتىن اۋىل شارۋاشىلىعى ونىمدەرىنىڭ كورمەسىن ارالاپ كوردى، دەپ حابارلايدى اقوردانىڭ باسپا ءسوز قىزمەتى.
مۇندا جارتىلاي فابريكاتتار، كونسەرۆىلەر، ەت، ءسۇت جانە نان ونىمدەرى قويىلعان.
ايتا كەتەيىك، مەملەكەت باسشىسى اقمولا وبلىسىنا جۇمىس ساپارىمەن باردى.
پرەزيدەنتكە بيىل وڭىردەگى ەگىس القابىنىڭ كولەمى 300 مىڭ گەكتارعا ۇلعايىپ، 5,5 ميلليون گەكتارعا جەتكەنى باياندالدى.
توقايەۆ اقمولا وبلىسىنداعى اۋىل شارۋاشىلىعى كاسىپورىندارىنىڭ جەتەكشىلەرىمەن سالانىڭ جاي- كۇيى، شارۋالاردىڭ جەتىستىكتەرى، سونداي- اق قوردالانعان ماسەلەلەرى جونىندە اڭگىمەلەستى.
ەلىمىزدە اۋىل شارۋاشىلىعى ەڭبەككەرلەرىنىڭ ەكىنشى فورۋمى وتەتىنى حابارلاندى.
