پرەزيدەنت ساۋد ارابياسى كورولدىگىن ۇلتتىق مەيرامىمەن قۇتتىقتادى

استانا. KAZINFORM - مەملەكەت باسشىسى ساۋد ارابياسى كورولدىگىنىڭ ۇلتتىق مەيرامىنا وراي قۇتتىقتاۋ جەدەلحاتىن جولدادى.

قاسىم-جومارت توقايەۆ قوس كيەنىڭ ساقشىسى، ساۋد ارابياسىنىڭ كورولى سالمان بەن ابدەلازيز ءال ساۋد پەن ساۋد ارابياسىنىڭ تاق مۇراگەرى، پرەمەر-ءمينيسترى مۇحاممەد بەن سالمان ءال ساۋدتى جانە بارشا ساۋد حالقىن ۇلتتىق كۇنىمەن قۇتتىقتادى.

پرەزيدەنت جەدەلحاتتا ساۋد ارابياسىن ساياسي تۇرعىدان ىرگەسى بەرىك، ەكونوميكاسىن نىعايتۋدا كوپتەگەن جەتىستىككە قول جەتكىزگەن مەملەكەت رەتىندە اتاپ ءوتتى. سونداي-اق تاياۋ شىعىس وڭىرىندەگى قازاقستاننىڭ سەنىمدى ءارى ماڭىزدى سەرىكتەستەرىنىڭ ءبىرى ەكەنىنە نازار اۋداردى.

مەملەكەت باسشىسى ەكى ەل اراسىنداعى ءداستۇرلى دوستىق پەن باۋىرلاستىققا نەگىزدەلگەن ىنتىماقتاستىق ودان ءارى نىعايىپ، حالىقتاردىڭ يگىلىگى جولىندا دامي بەرەتىنىنە سەنىم ءبىلدىردى.

قاسىم-جومارت توقايەۆ قوس كيەنىڭ ساقشىسى، ساۋد ارابياسىنىڭ كورولى مەن تاق مۇراگەرى، پرەمەر-ءمينيسترىنىڭ جاۋاپتى قىزمەتتەرىنە تابىس، ال ساۋد حالقىنا قۇت-بەرەكە تىلەدى.