پرەزيدەنت قازاقستاندىقتاردى وتان قورعاۋشى كۇنىمەن قۇتتىقتادى

Токаев
Фото: Акорда

 استانا. KAZINFORM - قازاقستان پرەزيدەنتى قاسىم-جومارت توقايەۆ قازاقستاندىقتاردى وتان قورعاۋشى كۇنىمەن قۇتتىقتادى. Kazinform مەملەكەت باسشىسى قۇتتىقتاۋىنىڭ تولىق ءماتىنىن جاريالايدى.

قادىرلى وتانداستار!

سىزدەردى وتان قورعاۋشى كۇنىمەن قۇتتىقتايمىن!

ەلىمىزدەگى بەيبىتشىلىك پەن تىنىشتىقتى ساقتاپ، قاستەرلى قۇندىلىقتاردى ورنىقتىرا ءتۇسۋ ءۇشىن بۇل مەرەكەنىڭ ماڭىزى زور.

اسكەري بورىشتى وتەۋ وتانعا دەگەن شىنايى سۇيىسپەنشىلىكتىڭ جارقىن كورىنىسى ەكەنى انىق. حالىققا قالتقىسىز قىزمەت ەتۋ - ءاربىر ادال ازاماتتىڭ پەرزەنتتىك پارىزى.

قازاقستان ۇلتتىق مۇددەنى قورعاۋعا، اۋماقتىق تۇتاستىقتى ساقتاۋعا جانە تۇراقتىلىقتى قامتاماسىز ەتۋگە باسا ءمان بەرەدى. ايبىندى ارميامىز ەگەمەندىگىمىزدىڭ كەپىلى، مەملەكەتتىلىگىمىزدىڭ مىزعىماس تىرەگى سانالادى.

ءبىز اسكەرىمىزدىڭ الەۋەتىن وقۋ-جاتتىعۋ جيىندارىندا عانا ەمەس، ناقتى مىندەتتەردى جۇزەگە اسىرۋ بارىسىندا دا كورىپ ءجۇرمىز.

الاپات تاسقىن ەل-جۇرتقا قاۋىپ توندىرگەندە، ساربازدارىمىز الدىڭعى شەپتەن تابىلدى. ولار وزدەرىنە جۇكتەلگەن مىندەتتى ءمىنسىز اتقارىپ، وتانشىلدىقتىڭ وزىق ۇلگىسىن كورسەتتى.

ەلىمىزدىڭ قورعانىس قابىلەتىن كۇشەيتۋ جانە اسكەري قىزمەتكەرلەردى قولداۋ قاشاندا مەملەكەتتىك ساياساتتىڭ باسىم باعىتى بولىپ قالا بەرەدى.

قارۋلى كۇشتەرىمىزدىڭ مەرەيى ۇستەم بولسىن!

بارشاڭىزعا زور دەنساۋلىق، باق-بەرەكە تىلەيمىن!

سوڭعى جاڭالىقتار