09:52, 01 - قاڭتار 2024 | GMT +5
پرەزيدەنت مەرەكەدە جۇمىس ىستەپ جاتقانداردى ارنايى قۇتتىقتادى
ەل پرەزيدەنتى قاسىم-جومارت توقايەۆ جاڭاجىلدىق بەينەقۇتتىقتاۋىندا مەرەكەدە جۇمىس ىستەپ جاتقان بارلىق ازاماتتارعا ريزاشىلىعىن ءبىلدىردى، دەپ حابارلايدى Kazinform.
«سونىمەن قاتار بۇگىن جاڭا جىلدىڭ قارساڭىندا جۇمىس ىستەپ جاتقان ادامدارعا ارنايى قۇتتىقتاۋىمدى جولدايمىن. سىزدەر ەلىمىزگە ادال قىزمەت ەتىپ جۇرسىزدەر. مەن بارشاڭىزعا شىنايى ريزاشىلىعىمدى بىلدىرەمىن»، - دەدى قاسىم-جومارت توقايەۆ.
ءوز قۇتتىقتاۋىندا پرەزيدەنت جاڭا جىلدىڭ ءار شاڭىراققا، ءار ازاماتقا قۋانىش پەن شاتتىق اكەلۋىن تىلەدى.
«ۇلكەندەرىمىز امان بولسىن! بالالاردىڭ ارمانى ورىندالسىن! ەڭبەكتەرىڭىز جەمىستى بولسىن! ءتورت قۇبىلامىز تۇگەل بولسىن! كوك تۋىمىز ماڭگى جەلبىرەسىن! ءانۇرانىمىز شىرقالا بەرسىن! جاڭا جىل قۇتتى بولسىن، اعايىن!»، - دەدى مەملەكەت باسشىسى.
