پرەزيدەنت ليۋكسەمبۋرگتىڭ جاڭا ۇلى گەرتسوگى گيومدى تاققا وتىرۋىمەن قۇتتىقتادى

استانا. KAZINFORM — مەملەكەت باسشىسى ليۋكسەمبۋرگتىڭ جاڭا ۇلى گەرتسوگى گيومعا قۇتتىقتاۋ جەدەلحاتىن جولدادى. بۇل تۋرالى اقوردا ءمالىم ەتتى.

قاسىم-جومارت توقايەۆ ليۋكسەمبۋرگتىڭ جاڭا ۇلى گەرتسوگى گيومدى تاققا وتىرۋىمەن قۇتتىقتادى.

— قازاقستان ليۋكسەمبۋرگپەن اراداعى دوستىققا، ءوزارا قۇرمەتكە نەگىزدەلگەن ۇزاق مەرزىمدى سەرىكتەستىكتى جوعارى باعالايدى. سىزبەن وسى ناتيجەلى ىنتىماقتاستىقتى ودان ءارى نىعايتىپ، حالىقتارىمىزدىڭ يگىلىگى جولىندا ەكىجاقتى ىقپالداستىقتىڭ تىڭ مۇمكىندىكتەرىنە جول اشاتىنىمىزعا سەنىمدىمىن، — دەلىنگەن جەدەلحاتتا. 

سونداي-اق پرەزيدەنت جوعارى مارتەبەلى كورول ءانريدىڭ ۇلى گەرتسوگ رەتىندە اتقارعان جاۋاپتى مەملەكەتتىك قىزمەتىن اياقتاۋىنا بايلانىستى ءىلتيپات ءبىلدىرىپ، تىلەكتەستىگىن جەتكىزدى.

ايتا كەتەيىك، قاسىم-جومارت توقايەۆ 6-7 -قازان كۇندەرى ازەربايجانعا ساپارمەن بارادى.