18:30, 30 - ماۋسىم 2025 | GMT +5
پرەزيدەنت كونگو دەموكراتيالىق رەسپۋبليكاسىن تاۋەلسىزدىك كۇنىمەن قۇتتىقتادى
استانا. KAZINFORM - پرەزيدەنت قاسىم-جومارت توقايەۆ فەليكس-انتۋان چيسەكەدي چيلومبونى كونگو دەموكراتيالىق رەسپۋبليكاسىنىڭ تاۋەلسىزدىك كۇنىمەن قۇتتىقتادى. بۇل تۋرالى اقوردا ءمالىم ەتتى.
- بۇگىندە كونگو ءوزىنىڭ ىرگەتاسىن نىعايتۋدا، ازاماتتارىنىڭ ىرىس-بەرەكەسىن ەسەلەۋدە، سونداي-اق حالىقارالىق ساحناداعى مەرەيىن ۇستەم ەتۋدە قوماقتى جەتىستىكتەرگە قول جەتكىزىپ كەلەدى. وسى تۇستا، ءسىزدىڭ سىندارلى ساياساتىڭىز بەن يگى باستامالارىڭىز مەملەكەتىڭىزدى بيىك بەلەستەرگە جەتەلەي بەرۋىنە تىلەكتەسپىن، - دەپ جازىلعان جەدەلحاتتا.
ەسكە سالا كەتەيىك، بۇعان دەيىن مەملەكەت باسشىسى كاسساتسيالىق سوتتاردىڭ ءتوراعالارى مەن سۋديالارىن تاعايىنداعانىن جازعان ەدىك.
