01:36, 23 - قىركۇيەك 2025 | GMT +5
پرەزيدەنت Citigroup كومپانياسىنىڭ باس اتقارۋشى ديرەكتورى دجەين فرەيزەردى قابىلدادى
نيۋ- يورك. KAZINFORM - كەزدەسۋدە ەلىمىزدەگى اۋقىمدى جوبالاردى قارجىلاندىرۋ ماسەلەلەرى تالقىلاندى. بۇل تۋرالى اقوردانىڭ باسپا ءسوز قىزمەتى حابارلادى.
- دجەين فرەيزەر قازاقستانمەن اراداعى سەرىكتەستىكتى بانكتەر توبى قىزمەتىندەگى ەڭ ماڭىزدى باعىتتاردىڭ ءبىرى رەتىندە قاراستىراتىنىن جەتكىزدى، - دەلىنگەن حابارلامادا.
بۇعان دەيىن قاسىم-جومارت توقايەۆ Embraer كومپانياسىنىڭ پرەزيدەنتى فرانسيسكو گومەس نەتومەن كەزدەستى. فرانسيسكو گومەس نەتو قازاقستاننىڭ كولىك-ترانزيتتىك الەۋەتىنە جوعارى باعا بەرىپ، ءوزارا ءتيىمدى ىنتىماقتاستىقتى جالعاستىرۋعا دايىن ەكەنىن راستادى.
سونىمەن قاتار پرەزيدەنت ExxonMobil كورپوراتسياسىنىڭ باسشىلارىن قابىلدادى. مەملەكەت باسشىسى داررەن ۆۋدسپەن تەڭىز بەن قاشاعاننىڭ بولاشاعىن تالقىلادى.
