پرەزيدەنت: ارمانىم - قازاقستاننىڭ بولاشاقتا تولىققاندى سيفرلى ەلگە اينالۋى
استانا. KAZINFORM - پرەزيدەنت قاسىم-جومارت توقايەۆ قاتارلىق Al Jazeera تەلەارناسىنا بەرگەن ەكسكليۋزيۆ سۇحباتىندا ەلىمىزدى سيفرلاندىرۋ ماسەلەسىنە توقتالدى.
Al Jazeera: قازاقستان IT- يندۋسترياسى مەن سيفرلىق ينفراقۇرىلىمدا جاقسى جەتىستىككە جەتتى. سىزدەر 20 مىڭ شاقىرىمنان استام وپتيكالىق-تالشىقتى جەلى تارتتىڭىزدار. استانادا ورتالىق قۇرىلدى، 2023-جىلى IT- تەحنولوگيالار ەكسپورتى 280 ميلليوننان استام دوللارعا ارتتى. دەگەنمەن ءالى دە بولسا ماسەلەلەر بار. قازاقستان ستارتاپتار ءۇشىن بيۋروكراتيالىق كەدەرگىلەردى، كەي جاعدايدا ماماندار جەتىسپەۋشىلىگى مەن زەرتتەۋلەرگە جانە ازىرلەمەلەرگە ارنالعان تومەن شىعىستارعا قاتىستى ماسەلەلەردى قالاي شەشپەك؟
- بۇل دا كۇن تارتىبىندە تۇرعان ماسەلەلەردىڭ ءبىرى. ءبىراق ءبىز بۇل باعىتتا ايتارلىقتاي جەتىستىككە جەتتىك. ەڭ الدىمەن اقىلدى كومپيۋتەر جاسادىق. ول تاياۋدا عانا تانىمال شەتەلدىك كومپانيالارمەن تىعىز ىنتىماقتاستىقتىڭ ارقاسىندا قازاقستانعا جەتكىزىلدى. وسىناۋ اسا ماڭىزدى ىستە ءبىزدىڭ ستراتەگيالىق سەرىكتەسىمىز بولعانى ءۇشىن ولارعا وتە ريزامىز. بۇعان دەيىن ايتقانىمداي، ءبىزدىڭ باسىمدىعىمىز - سيفرلاندىرۋ. ارمانىم - قازاقستاننىڭ بولاشاقتا تولىققاندى سيفرلى ەلگە اينالۋى.
ەسكە سالا كەتەيىك، بۇدان بۇرىن مەملەكەت باسشىسى قاسىم-جومارت توقايەۆ ب ۇ ۇ- نى رەفورمالاۋعا قاتىستى پايىمىمەن بولىسكەنىن جازعان ەدىك.
