پرەزيدەنت اكىمشىلىگى قۇقىق قورعاۋ ورگاندارىنا ءتان ءبىرقاتار كەمشىلىكتەردى انىقتادى
استانا. قازاقپارات - 2025-جىلعى 23-ماۋسىمداعى كەڭەيتىلگەن القا ماجىلىسىندە مەملەكەت باسشىسى بەرگەن تاپسىرما بويىنشا پرەزيدەنت اكىمشىلىگى قۇقىق قورعاۋ ورگاندارىنىڭ قىزمەتىنە تالداۋ جۇرگىزدى. بۇل تۋرالى اقوردا ءمالىم ەتتى.
- جەكەلەگەن كۇشتىك ورگاندارعا عانا ءتان كەمشىلىكتەرمەن قاتار، جۇمىستىڭ تيىمدىلىگىنە تىكەلەي اسەر ەتەتىن جالپى پروبلەمالىق باعىتتار انىقتالدى. تالداۋ ناتيجەلەرى بويىنشا كەمشىلىكتەردى جويۋ بويىنشا ناقتى ۇسىنىستار ازىرلەندى، ولاردىڭ پىسىقتالۋىن جاۋاپتى مەملەكەتتىك ورگاندار قىسقا مەرزىمدە قامتاماسىز ەتۋگە ءتيىس. قابىلدانىپ جاتقان شارالار، قول جەتكىزگەن ناتيجەلەر مەن ءتيىستى قورىتىندىلار مەملەكەت باسشىسىنا باياندالاتىن بولادى، - دەلىنگەن حابارلامادا.
تاپسىرمانىڭ ءتيىستى ورىندالۋىن باقىلاۋ پرەزيدەنت اكىمشىلىگىمەن قامتاماسىز ەتىلەتىن بولادى.
