پرەزيدەنت ا ق ش كومپانيالارىن ەلىمىزدىڭ اۋىل شارۋاشىلىعى الەۋەتىن بارىنشا پايدالانۋعا شاقىردى
نيۋ-يورك. KAZINFORM - پرەزيدەنتتىڭ پىكىرىنشە، ءوزارا ءتيىمدى ىنتىماقتاستىقتىڭ تاعى ءبىر پەرسپەكتيۆتى باعىتى - اگروونەركاسىپ كەشەنى، دەپ حابارلايدى اقوردانىڭ باسپا ءسوز قىزمەتى.
ەگىستىك جەرلەرىنىڭ كولەمى جاعىنان الەمدە التىنشى ورىن الاتىن جانە ەڭ ءىرى استىق ەكسپورتتاۋشىلاردىڭ وندىعىنا كىرەتىن قازاقستاننىڭ اتالعان سالاداعى مۇمكىندىكتەرى امەريكالىق ارىپتەستەردى قىزىقتىرۋعا ءتيىس.
- امەريكالىق كومپانيالاردى قازاقستاننىڭ اۋىل شارۋاشىلىعى الەۋەتىن بارىنشا پايدالانۋعا شاقىرامىز. ءبىز PepsiCo جانە Mars كومپانيالارىنىڭ زاماناۋي، ەكسپورتقا باعدارلانعان زاۋىت سالۋ جوسپارىن قۇپتايمىز. اتالعان باستامالار قازاقستاننىڭ ەكسپورتتىق قۋاتىن ارتتىرىپ قانا قويماي، ونىمدەرىمىزدىڭ جاڭا وڭىرلىك نارىقتارعا شىعۋىنا مۇمكىندىك بەرەدى. ىنتىماقتاستىعىمىزدى ودان ءارى نىعايتۋ ءۇشىن ورنىقتى اۋىل شارۋاشىلىعىن دامىتۋدى، سۋ رەسۋرستارىن ۇنەمدەپ پايدالانۋدى جانە اتالعان سالانى سيفرلاندىرۋدى كوزدەيتىن ورتاق اگرويننوۆاتسيالىق باعدارلاما جاساۋدى ۇسىنامىز، - دەدى مەملەكەت باسشىسى.
وسىدان بۇرىن قاسىم-جومارت توقايەۆ كولىك جانە لوگيستيكا سەكتورىنداعى كەڭ مۇمكىندىكتەرگە توقتالدى.
