پەريزات قايراتتىڭ سوتىن تىكەلەي ەفيردەن كورسەتۋ ماسەلەسىن قاراستىرۋعا دايىنبىز - جوعارعى سوت

استانا. KAZINFORM - جوعارعى سوت Kazinform ساۋالىنا جولداعان جاۋاپتا «ءبىز بىرگەمىز» قايىرىمدىلىق قورى ارقىلى اناسىمەن بىرگە قوماقتى قاراجات جىمقىردى» دەپ كۇدىككە ىلىنگەن پەريزات قايراتتىڭ سوتىن قانداي جاعدايدا تىكەلەي ەفيردەن كورسەتۋ ارقىلى اشىق جۇرگىزەتىندەرىن ايتتى.

- «ءبىز بىرگەمىز» قايىرىمدىلىق قورىنىڭ نەگىزىن قالاۋشىلاردىڭ ءبىرى - پەريزات قايراتتىڭ ىستەرى سوتقا تۇسپەگەن. پەريزات قايراتتىڭ سوڭعى قىلمىستىق ءىسى سوتقا كەلىپ تۇسكەن جاعدايدا، قوعام تاراپىنان، زاڭگەرلەر قاۋىمىنان سونداي سۇرانىس بولسا، سوت وتىرىستارىن تىكەلەي ەفيردە كورسەتۋ ماسەلەسى قاراستىرىلۋى مۇمكىن، - دەپ جازىلعان رەسمي جاۋاپتا.

ەسكە سالساق، قارجىلىق مونيتورينگ اگەنتتىگى پەريزات قايرات پەن ونىڭ اناسى عايني الاشبايەۆاعا قاتىستى تەرگەپ- تەكسەرۋدى اياقتاعان بولاتىن. 19 -ناۋرىزدا تاراپتار 109 تومنان تۇراتىن قىلمىستىق ءىس ماتەريالدارىمەن تانىسۋعا كىرىسكەن.

ال اگەنتتىك ءتوراعاسىنىڭ ورىنباسارى جەڭىس ەلەمەسوۆ وسى ءىس بويىنشا سوت قاشان باستالاتىنىن ايتقان.

- كۇدىكتىلەردى ءىس ماتەريالدارىمەن تانىستىرۋ 9 -ماۋسىمدا بىتكەننەن كەيىن زاڭ بويىنشا ءۇش كۇن بەرىلەدى. 10 كۇننىڭ ىشىندە پروكۋراتۋرا ءىستى سوتقا جىبەرگەننەن كەيىن سوت قابىلداپ، قاي كۇنى باستالاتىنىن ايتادى، - دەگەن ەدى اگەنتتىك وكىلى.

اۆتور

ەسىمجان ناقتىباي