رىباكينا پاريج وليمپياداسىندا نەگە وينامايتىنىن ءتۇسىندىردى
استانا. KAZINFORM - قازاقستاننىڭ ءبىرىنشى، الەمنىڭ 4-راكەتكاسى ەلەنا رىباكينا پاريج وليمپياداسىندا نەگە وينامايتىنىن ءتۇسىندىردى.
ە. رىباكينا قازاقستاندىقتارعا پاريج وليمپياداسىنا قاتىسا المايتىنىن وكىنىشپەن حابارلادى.
«ۋيمبلدون تۋرنيرىنەن كەيىن ءجىتى برونحيتپەن اۋىردىم. جاتتىعۋعا ورالۋعا ارەكەتتەنسەم دە، مەنىڭ اعزام تولىقتاي قالپىنا كەلگەن جوق. دارىگەرلەر كورتقا شىعۋىما قاتاڭ تىيىم سالدى. پاريج وليمپياداسىندا ءبىزدىڭ قۇراما ءۇشىن ونەر كورسەتىپ، ەل ءۇمىتىن اقتاي المايتىنىم وتە وكىنىشتى. توكيودا مەدالعا قول سوزىم جەردە بولدىم. پاريجدە قازاقستان ءۇشىن التىن الۋعا مۇقيات دايىندالدىم. وكىنىشكە قاراي، اۋرۋ بۇل جوسپاردىڭ ورىندالۋىنا مۇمكىندىك بەرمەدى. بارلىق قازاقستاندىق سپورتشىلارعا پاريجدە ساتتىلىك پەن تابىس تىلەيمىن. مەن ءبىزدىڭ بارلىق اتلەتتەرىمىزگە جانكۇيەر بولامىن، ولاردىڭ وليمپيادادا ەل نامىسىن ابىرويمەن قورعايتىنىنا سەنەمىن. العا، قازاقستان!» دەدى ە. رىباكينا.
ەسكە سالا كەتەيىك، بۇدان بۇرىن ەلەنا رىباكينانىڭ وليمپيادا ويىندارىنا قاتىسپاۋ جونىندە شەشىم قابىلداعانىن جازعان بولاتىنبىز.
اۆتور
عايساعالي سەيتاق
