رومان سكليار سەمەيدەگى ءورتتىڭ سەبەبى مەن زالال كولەمىن انىقتاۋدى تاپسىردى

استانا. KAZINFORM – ق ر پرەمەر-ءمينيسترىنىڭ ءبىرىنشى ورىنباسارى رومان سكلياردىڭ توراعالىعىمەن وتكەن كەڭەستە سەمەي قالاسىنداعى ءىرى ساۋدا ورتالىعىندا («كورپوراتسيا اقشىڭ» ج ش س) بولعان ءورتتىڭ سالدارىن جويۋ ماسەلەلەرى قارالدى.

بۇل تۋرالى primeminister.kz جازدى.

قابىلدانعان شارالار تۋرالى اباي وبلىسىنىڭ اكىمى، توتەنشە جاعدايلار، ىشكى ىستەر، ەڭبەك جانە حالىقتى الەۋمەتتىك قورعاۋ جانە ۇلتتىق ەكونوميكا مينيسترلىكتەرىنىڭ باسشىلارى بايانداما جاسادى.

كەڭەس بارىسىندا 6- اقپانداعى ساعات 20:55 تەگى جاعداي بويىنشا ءورت اۋىزدىقتالعانى ايتىلدى، ونىڭ الاڭى 6,9 مىڭ شارشى مەتردى قۇراعان - عيماراتتىڭ %87,5. وقيعا ورنى قورشالىپ، كۇندىزگى جانە تۇنگى پاترۋلدەر ۇيىمداستىرىلدى.

اباي وبلىسى ت ج د پوليتسيا جانە مەملەكەتتىك ورتكە قارسى قىزمەت ورگاندارىنىڭ قىزمەتكەرلەرى تەرگەۋدى باستادى.

رومان سكليار ءورت سەبەپتەرىن جانە كەلتىرىلگەن زالالدىڭ كولەمىن انىقتاۋدى، سونداي-اق ءورتتىڭ سالدارىن جويۋ بويىنشا قاجەتتى شارالاردىڭ بارلىعىن قابىلداۋدى تاپسىردى.

بۇل جاعداي - ۇكىمەتتىڭ تۇراقتى باقىلاۋىندا.