پروكۋرورلارى جۇرگىزۋشىنى زاڭسىز اقتاعان سوت ۇكىمىن بۇزدى

استانا. KAZINFORM - قىلمىستىق قۋدالاۋ ورگانى بۇرىن جۇرگىزۋشى كۋالىگىنەن ايىرعان ازامات ب. كولىك قۇرالىن ماساڭ كۇيدە باسقارعانى ءۇشىن قىلمىستىق قۇقىق بۇزۋشىلىق جاسادى دەپ ايىپتالعان.

الايدا قىلمىس قۇرامىنىڭ بەلگىلەرى مەن ءىس بويىنشا جينالعان دالەلدەرگە قاراماستان، سامار اۋداندىق سوتى سوتتالۋشى ب- نى نەگىزسىز اقتادى.

«2024 -جىلعى 23 -قازاندا سامار اۋدانى پروكۋرورىنىڭ اپەللياتسيالىق ءوتىنىشحاتى بويىنشا شىعىس قازاقستان وبلىستىق سوتى ءبىرىنشى ساتى سوتىنىڭ ۇكىمىن جويىپ، جاڭا ايىپتاۋ ۇكىمىن شىعارىپ، ب. -نى كىنالى دەپ تانىپ، 2 جىلعا باس بوستاندىعىن شەكتەۋ جازاسىن تاعايىنداپ، كولىك قۇرالدارىن باسقارۋ قۇقىعىنان ءومىر بويىنا ايىردى»، - دەپ مالىمدەدى باقىلاۋشى ورگاننان.

وبلىس پروكۋراتۋراسى كولىك قۇرالىن باسقارۋ قۇقىعىنان ايىرىلعان جانە الكوگولدىك، ەسىرتكىلىك جانە ۋىتقۇمارلىق ماساڭ كۇيدەگى ادامنىڭ كولىك قۇرالىن باسقارۋى، سول سياقتى كولىك قۇرالىن باسقارۋدى وسىنداي ادامعا بەرۋ نەمەسە كولىك قۇرالىن وسىنداي ادامنىڭ باسقارۋىنا جول بەرۋ قىلمىستىق جاۋاپتىلىققا اكەپ سوعاتىنىن ەسكەرتەدى.

اۆتور

اسحات رايقۇل