پروكۋرور ش ق و اكىمىنىڭ بۇرىنعى ورىنباسارى جاقسىلىق وماردى 6 جىلعا سوتتاۋدى سۇرادى
وسكەمەن. KAZINFORM - وسكەمەندە شىعىس قازاقستان وبلىسى اكىمىنىڭ بۇرىنعى ءبىرىنشى ورىنباسارى جاقسىلىق وماردىڭ ىسىنە قاتىستى ەكىنشى سوت وتىرىسى ءوتتى.
سوت بارىسىندا مەملەكەتتىك ايىپتاۋشى سۋديادان ىسكە نەگىز بولعان Camri كولىگىن تاركىلەۋدى، جاقسىلىق وماردى مەملەكەتتىك قىزمەتتەن ءومىر بويىنا شەتتەتۋدى، ق ر ق ك- ءنىڭ 190-بابى 3-بولىگىنىڭ 1, 2-تارماقتارى (ءىرى مولشەردەگى الاياقتىق)، 366-بابى 3-بولىگىنىڭ 3-تارماعى (ءىرى مولشەردە پارا الۋ) بويىنشا 6 جىلعا سوتتاۋدى سۇرادى.
ال ءسوز العان ش ق و اكىمى ءبىرىنشى ورىنباسارىنىڭ ادۆوكاتى سۋديادان باس بوستاندىعىن ايىرماۋ جازاسىن قولدانۋدى ءوتىندى. جاقسىلىق وماردىڭ 7 بالاسى مەن قارت اتا-اناسى بارىن ايتتى.
ايىپتالۋشى بولسا ءوز كىناسىن تولىق مويىنداعانىن، كەلتىرىلگەن شىعىن وتەلگەنىن جەتكىزدى.
ايتا كەتەيىك، 19- ناۋرىزدا وسكەمەن قالاسىنىڭ قىلمىستىق ىستەر جونىندەگى اۋدانارالىق سوتىندا شىعىس قازاقستان وبلىسى اكىمىنىڭ ءبىرىنشى ورىنباسارى جاقسىلىق ومارعا قاتىستى سوت پروتسەسى باستالعان بولاتىن.
ايىپتالۋشى 6 ميلليون تەڭگە پارا العانىن مويىنداعان ەدى.
اۆتور
بوتاكوز كەنجەحان قىزى
