ەۋروپادا قاتەرلى ىسىككە قارسى ءدارى قىمباتتادى

استانا. قازاقپارات - ەۋروپادا قارت كىسى كوپ. بۇل دەنساۋلىق ساقتاۋ جۇيەسىنە سالماق سالىپ وتىر. سەبەبى قاريالار مەديتسينالىق قىزمەتتى ءجيى قولدانىپ، ءدارىنى دە كوپ تۇتىنادى.

дәрі
Фото: Pexels

احۋالدى رەتتەۋ ءۇشىن ساراپشىلار فارماتسيەۆتيكا سالاسىنا قۇيىلاتىن ينۆەستيتسيانى ارتتىرۋعا شاقىرىپ وتىر. ا ق ش- تا 65-تەن اسقان تۇرعىنداردىڭ 90 پايىزى رەتسەپت ارقىلى بەرىلەتىن پرەپاراتتاردى قابىلدايدى ەكەن. ءبىراق بىلتىر باعانىڭ وسۋىنەن ولاردىڭ تەڭ جارتىسى قاجەتتى دارىلەرىن تولىق كولەمدە الا الماعان. شەتەلدىك فارماتسيەۆتيكا نارىعىنداعى جاعداي تۋرالى الداعى توپتامادان بىلەيىك.

ەۋروپادا دارىلەردىڭ باعاسى كۇرت ءوستى. اسىرەسە سيرەك كەزدەسەتىن اۋرۋلار مەن قاتەرلى ىسىك كەزىندە قابىلدايتىن پرەپاراتتار قىمباتتاعان. مۇنداي جاعداي گەرمانيا، يسپانيا، بەلگيا مەن لاتۆيادا قاتتى بايقالادى. بارىنە قىمباتشىلىق سەبەپ. جۇمىس كۇشىنىڭ تاپشىلىعىنان ءدارىحانالار جابىلۋى دا باعاعا اسەر ەتكەن. مىسالى، گەرمانيادا ءبىر جىلدا 335 ءدارىحانا جۇمىسىن توقتاتقان. مۇنداي ءبىر ورىن ورتا ەسەپپەن 5 مىڭداي ادامعا قىزمەت كورسەتەدى ەكەن.

امەريكاندىقتار دارىگە جىلىنا $1,5مىڭ جۇمسايدى

ا ق ش امەريكالىقتار وزگەلەرمەن سالىستىرعاندا دارىگە كوپ شىعىندالادى. ويتكەنى بۇل زاتتار قىمبات. ستاتيستيكا بويىنشا، ءار تۇرعىن جىلىنا ءبىر جارىم مىڭ دوللار جۇمسايدى ەكەن. باعانى رەتتەۋ بۇرىننان تالقىلانىپ كەلە جاتقان ماسەلەنىڭ ءبىرى. پرەپاراتتاردى حالىققا قولجەتىمدى ەتۋ ءۇشىن بيلىك ءتۇرلى شارالاردى قولعا العان. مىسالى، مۇندا قىمبات ءدارىنىڭ ارزان بالامالارى - دجەنەريكتەر وندىرىلەدى. ەلدە اسىرەسە قانت ديابەتى كەزىندە قابىلداناتىن زاتتار ايتارلىقتاي قىمباتتاعان. سونىڭ ىشىندە وزەمپيكتىڭ باعاسى شارىقتاپ تۇر. ول قانت ديابەتىن ەمدەۋگە ارنالعان. سەمىزدىكپەن كۇرەستە دە قولدانىلادى.

كەيىنگى جىلدارى وزەمپيك ءىشىپ ارىقتاعاندار قاتارى كوبەيىپ، پرەپاراتتىڭ تانىمالدىعى ارتقان. ا ق ش- تا سەمىزدىككە شالدىققاندار كوپ. سودان بۇل دارىگە سۇرانىس تا جوعارى. امەريكادا ول كانادا مەن گەرمانياعا قاراعاندا 6 ەسە قىمبات.

يراندا ءدارى-دارمەك باعاسى 4 ەسە قىمباتتادى

يراندا قازىر ۇلتتىق ۆاليۋتا - ريال قۇنسىزدانىپ، بۇل جاعداي وسى ەلدىڭ ىشكى فارماتسيەۆتيكا نارىعىنا اسەر ەتتى. ويتكەنى سالا يمپورتقا قاتتى تاۋەلدى. سودان سىرتتان كەلەتىن تاۋارلاردىڭ باعاسى وسكەن. سالدارىنان كەيبىر دارىلەر 4 ەسە قىمباتتاعان. مىسالى، ماماندار ءجيى جازىپ بەرەتىن نەگىزگى انتيبيوتيك بۇرىن ءبىزدىڭ اقشامەن 6 مىڭ تەڭگەدەي تۇرسا، قازىر 30 مىڭعا جۋىقتايدى.

24.kz

سوڭعى جاڭالىقتار