ەۋروپا چەمپيوناتىندا جانكۇيەرلەر اراسىندا جانجال شىقتى

استانا. KAZINFORM - ەۋروپا چەمپيوناتىنىڭ كەزەكتى كۇنى جانكۇيەرلەر اراسىندا جانجال شىقتى. كەلەڭسىز جاعداي تۇركيا مەن گرۋزيا قۇرامالارى كەزدەسۋىنىڭ الىندا ورىن الدى.

دورتمۋند قالاسىنىڭ ستاديونىندا قوس تاراپ وكىلدەرى سوزگە كەلىپ، ارتى توبەلەسكە ۇلاستى. وعان جەرگىلىكتى ءتارتىپ ساقشىلارى ارالاسىپ، جاعدايدىڭ ودان سايىن ۋشىعۋىنا جول بەرمەدى. ال ماتچتىڭ ءوزى اسا تارىستى ءوتتى جانە 3:1 ەسەبىمەن اياقتالدى.

تۇركيا كومانداسىنان مەرت ميۋلديۋر، اردا گيۋلەر جانە كەرەم اكتيۋركوگلۋ مەرگەندىگىمەن كوزگە ءتۇستى. ال پارالەل ماتچتا پورتۋگاليا چەحيانى 2:1 ەسەبىمەن ۇتتى. وسىلايشا «ف» توبىندا تۇركيا مەن پورتۋگاليا بىردەي ۇپايمەن جوعارى كوتەرىلدى. ودان كەيىن گرۋزيا مەن چەحيا تۇر.

توپتىق كەزەڭ اياسىنداعى كەلەسى ماتچتار 22-ماۋسىمدا بولادى.

مباپپە جارىستى جالعاستىرا الا ما؟

قازىر فۋتبول جانكۇيەرلەرىن وسى سۇراق مازالايدى. ويتكەنى فرانسيالىق ويىنشى ەۋروپا چەمپيوناتى اياسىنداعى العاشقى ماتچتا مۇرنىن سىندىرىپ، اۋىر جاراقات الدى. بۇل جاعداي فرانسيا اۆستريا كەزدەسۋىندە ورىن الدى. كەيىن مباپپە ديۋسسەلدورف قالاسىنىڭ اۋرۋحاناسىنا جەتكىزدى. ءبىراق جەرگىلىكتى دارىگەرلەر وعان وپەراتسيانىڭ قاجەت ەمەستىگىن العا ارتتى. دەسە دە، ەندى الاڭعا تەك ارنايى ماسكامەن شىعۋى قاجەت. جالپى قۇرلىقتىق دودادا ارى قاراي ويناي الا ما، جوق پا، ازىرگە بەلگىسىز.

«ەرتەڭ تاعى قوسىمشا تەكسەرىستەن وتەمىز. جاراقات وتە اۋىر. قازىر وپەراتسيا جاساماسا دا كەيىن قاجەت بولۋى مۇمكىن. سوندىقتان، ونىڭ دەنساۋلىعىن ءجىتى باقىلاپ وتىرمىز» دەدى فرانسيا قۇراماسىنىڭ باس باپكەرى ديدە دەشام.

ايتا كەتەيىك، اۆسترياعا قارسى ويىندا فرانسۋزدار 1:0 ەسەبىمەن جەڭىسكە جەتتى. ال توپتىق كەزەڭدەگى كەزەكتى كەزدەسۋ 25-ماۋسىمدا پولشا قۇراماسىنا قارسى بولادى.