ەۋرو وداق قىتايلىق ەلەكتروموبيلدەرگە باج سالىعىن ارتتىرۋى مۇمكىن

استانا قازاقپارات - ەۋرو وداق ەلدەرى قىتايدا وندىرىلگەن ەلەكتروموبيلدەرگە باج سالىعىن %45- عا دەيىن ارتتىرۋى مۇمكىن، دەپ حابارلايدى 24kz.

داۋىس بەرۋ ارقىلى اتالعان باستامانى 10 ەل قولداپ، 5 مەملەكەت قارسىلىق ءبىلدىردى. 12-ءسى قالىس قالدى. ەۋروپالىق كوميسسيانىڭ وكىلدەرى تەرگەۋ جۇرگىزىپ، قىتاي ەلى ەلەكتروموبيل سالاسىنا سۋبسيديانى ادىلەتسىز ءبولىپ جاتىر دەگەن قورىتىندىعا كەلدى.

الايدا رەسمي بەيجىڭ بۇنى جوققا شىعارىپ، ءوز كەزەگىندە ەۋروپادان ەنگىزىلەتىن ونىمدەرگە جانە اۆتوموبيلدەرگە باج سالىعىن وسىرەتىنىن ەسكەرتتى.