ەۋرو وداق ا ق ش- پەن ساۋدا كەلىسىمىن بەكىتە المادى

6-مامىر كەشىندە ەۋروپارلامەنت، ەۋروپالىق كەڭەس جانە ەۋروپالىق كوميسسيا وكىلدەرىنىڭ كەزدەسۋى ءوتتى. الايدا كەلىسسوزدەر ناتيجەسىز اياقتالعان.

تاراپتار 2025 -جىلدىڭ شىلدەسىندە جاسالعان ا ق ش- پەن ساۋدا كەلىسىمىنە ەنگىزىلەتىن تۇزەتۋلەردى تالقىلاعان. قۇجاتتا ا ق ش- قا ەكسپورتتالاتىن ەۋروپالىق تاۋارلارعا 15 پايىزدىق باج سالىعىن ەنگىزۋ قاراستىرىلعان.

بۇعان دەيىن دونالد ترامپ ەۋرووداققا قارسى 30 پايىزدىق تاريف ەنگىزەتىنىن ايتقان ەدى. الايدا وتكەن جىلعى كەلىسسوزدەر بارىسىندا بۇل كورسەتكىشتى تومەندەتۋگە مۇمكىندىك تۋعان. ءوز كەزەگىندە ەۋرو وداق امەريكالىق تاۋارلارعا نولدىك باج سالىعىن ەنگىزۋگە كەلىسكەن.

سونىمەن قاتار كەلىسىمدە ەۋرو وداقتىڭ ا ق ش- تان 750 ميلليارد دوللار كولەمىندە ەنەرگيا رەسۋرستارىن ساتىپ الۋى جانە امەريكالىق ەكونوميكاعا 600 ميلليارد دوللار ينۆەستيتسيا قۇيۋى تۋرالى ايتىلعان.

كەلىسىمدى بەكىتۋ پروتسەسى سوزىلىپ كەتكەندىكتەن، بيىل 1-مامىردا ترامپ ەۋرو وداقتان اكەلىنەتىن جەڭىل جانە جۇك كولىكتەرىنە باج سالىعىن 25 پايىزعا دەيىن كوتەرەتىنىن مالىمدەدى. ونىڭ سوزىنشە، ەۋرووداق ساۋدا كەلىسىمىنىڭ شارتتارىن ورىنداماعان.

ايتا كەتەلىك ەۋرو وداق ا ق ش تاۋارلارىنا سالىق سالاتىنى تۋرالى جازعان ەدىك.