رەسەيدە قازاقستاننان كەلگەن اۆتوبۋس اپاتقا ۇشىرادى، قازا تاپقاندار بار
استانا. KAZINFORM - رەسەي فەدەراتسياسىنىڭ سامارا وبلىسىندا قازاقستاننان كەلگەن اۆتوبۋس اپاتقا ۇشىرادى، قۇربان بولعاندار بار، دەپ حابارلايدى ر ف ىشكى ىستەر مينيسترلىگى باس باسقارماسىنىڭ مەملەكەتتىك جول ينسپەكسياسى.
رەسەي ءى ءى م سامارا وبلىسى بويىنشا باس باسقارماسىنىڭ مەملەكەتتىك جول ينسپەكتسياسىنىڭ باستىعى يۋري نەكراسوۆتىڭ ايتۋىنشا، 8-ساۋىردە شامامەن ساعات 01:00-دە كينەلسكي اۋدانىندا اۆتوبۋس جول اپاتىنا ۇشىرادى.
مەملەكەتتىك اۆتوينسپەكتسيا قىزمەتكەرلەرى جيناعان ماتەريالداردارعا قاراعاندا، SCANIA اۆتوبۋسىن باسقارىپ كەلە جاتقان جۇرگىزۋشى «ۋرال- مۋحانوۆو» تاسجولىنىڭ 26- شاقىرىمىندا جىلدامدىقتى اسىرىپ، اۋدارىلىپ قالدى. وقيعا ورنىندا 2 جولاۋشى قازا تاپتى، 10 جولاۋشى مەديتسينالىق مەكەمەگە جەتكىزىلگەن.
بۇل اۆتوبۋستىڭ قازاقستاندا تىركەلگەنى انىقتالدى. ول وزبەكستان ازاماتتارىن تاسىمالداپ جۇرگەن. اۆتوبۋس شىمكەنت-نيجنيي نوۆگورود باعىتىمەن كەلە جاتقان بولاتىن.
وقيعا ورنىندا جەدەل- تەرگەۋ توبى، وبلىستىق مەملەكەتتىك جول ينسپەكتسياسىنىڭ باسشىلىعى جانە ر ف ءى ءى م اۋماقتىق دەپارتامەنتى جۇمىس ىستەپ جاتىر.
اۆتور
ايدار وسپاناليەۆ
