رەسەي س ءى م يران-يزرايل قاقتىعىسىنا قاتىستى مالىمدەمە جاسادى
استانا. KAZINFORM - رەسەي سىرتقى ساياسي ۆەدومستۆوسى مالىمدەمەسىندە يزرايل مەن يران اراسىنداعى كەلىسىمگە ديپلوماتيا مەن كەلىسسوزدەر ارقىلى عانا سەنىمدى تۇردە قول جەتكىزۋگە بولاتىنى ايتىلعان، - دەپ حابارلايدى Kazinform ءتىلشىسى.
سونداي-اق قۇجاتتا قازىرگى شيەلەنىسۋ بۇكىل ايماقتاعى جانە ءبىرىنشى كەزەكتە يزرايل جانە يرانمەن شەكتەسەتىن مەملەكەتتەردەگى جاعدايدىڭ ودان ءارى تۇراقسىزدانۋ قاۋپىن تۋدىراتىنى اتاپ وتىلگەن.
رەسەي تاراپى اگەنتتىك باسشىلىعى جاقىن ارادا ماگاتە اكىمشىلىك كوميتەتى مەن ب ۇ ۇ قاۋىپسىزدىك كەڭەسى قاراۋى ءۇشىن ەگجەي-تەگجەيلى جازباشا بايانداما دايىندايدى دەپ كۇتەدى.
بۇعان قوسا، رەسەي يران تاراپىنىڭ يادرولىق قارۋدى تاراتپاۋ تۋرالى شارت بويىنشا ءوز مىندەتتەمەلەرىن ورىنداۋدى جالعاستىرۋى جانە تەگەراننىڭ يادرولىق باعدارلاماسىنا قاتىستى كەز كەلگەن نەگىزسىز كۇدىكتەر مەن تەرىس پايىمداۋلاردى جوياتىن ىقتيمال شەشىمدەردى ازىرلەۋ ءۇشىن ا ق ش- پەن بايلانىستى قالپىنا كەلتىرۋگە دايىن ەكەندىگى تۋرالى ناقتى مالىمدەمەلەرىن اتاپ وتەدى.
- نەگىزى يادرولىق قارۋدى تاراتپاۋ ماقساتىنا اگرەسسيا جانە جازىقسىز قۇرباندار ارقىلى قول جەتكىزىلمەۋى كەرەك، - دەلىنگەن حابارلامادا.
اۆتور
ەلميرا ورالبايەۆا
