رەسەي پرەزيدەنتى جاڭارتىلعان يادرولىق تەجەۋ دوكتريناسىن بەكىتتى
استانا. KAZINFORM - رەسەي فەدەراتسياسىنىڭ پرەزيدەنتى ۆلاديمير پۋتين يادرولىق تەجەۋ سالاسىنداعى مەملەكەتتىك ساياساتتى بەكىتۋ تۋرالى جارلىقتى بەكىتتى.
اتالعان جارلىقتىڭ نەگىزگى مازمۇنى «قۇقىقتىق اكتىلەردىڭ رەسمي جاريالانىمىندا» شىقتى.
جارلىقتا رەسەي فەدەراتسياسى وزىنە جانە بەلارۋس رەسپۋبليكاسىنا قارسى سىرتتان اگرەسسيا جاسالسا جانە ول اگرەسسيا قالىپتى قارۋ قولدانۋ ارقىلى جاسالعان كۇننىڭ وزىندە ەگەمەندىك پەن اۋماقتىق تۇتاستىققا قاۋىپ توندىرەتىن بولسا، يادرولىق قارۋ قولداناتىنى كورسەتىلگەن.
سونداي-اق، يادرولىق قارۋدى قولدانۋ تۋرالى شەشىمدى رەسەي فەدەراتسياسىنىڭ پرەزيدەنتى قابىلدايتىنى ناقتىلانعان. ول بۇل شەشىمى تۋرالى قاجەت بولعان جاعدايدا وزگە ەلدەردىڭ اسكەري-ساياسي باسشىلىعىنا، حالىقارالىق ۇيىمداردىڭ باسشىلىعىنا حابارلاي الاتىنى ايتىلعان.
وسىعان دەيىن الەمنىڭ 190 ەلىنىڭ وكىلدەرى يادرولىق قارۋدى تاراتپاۋ تۋرالى شارتتى كەزەكتى رەت پىسىقتاعانى تۋرالى جازدىق.
اۆتور
ەسىمجان ناقتىباي
